Milk Price : साखरेचे दर घसरले पण आता दूध महागणार; किती रुपयांची होणार वाढ?

मुंबईत 1 सप्टेंबरपासून दुधाच्या दरात प्रति लिटर 9 रुपयांची वाढ होणार आहे. मुंबई दुग्ध उत्पादक संघाने दुधाच्या घाऊक दरात वाढ करण्याचा निर्णय घेतला असून, याचा थेट परिणाम मुंबईकरांवर होणार आहे. जनावरांच्या वाढत्या किमती आणि पशुखाद्याच्या दरात झालेली वाढ ही या दरवाढीमागची प्रमुख कारणे आहेत. यामुळे दुग्ध उत्पादक संघाला दुधाचे दर वाढवण्याचा निर्णय घ्यावा लागला आहे, असे संघाने स्पष्ट केले आहे.

सध्या मुंबईत दुधाचा घाऊक दर प्रति लिटर 93 रुपये आहे. 1 सप्टेंबरपासून ही वाढ लागू झाल्यानंतर, तो 102 रुपये प्रति लिटर इतका होईल. ही दरवाढ 1 सप्टेंबर 2026 पासून लागू होऊन 28 फेब्रुवारी 2027 पर्यंत वैध राहील. त्यामुळे येत्या काळात मुंबईकरांना दुधासाठी जास्त पैसे मोजावे लागतील, हे निश्चित आहे.