मुंबई-विजयदुर्ग सागरी रो रो सेवा 1 मार्चपासून सुरू होणार
कोकणात जलवाहतुकीच्या नव्या युगाची सुरुवात होणार आहे. 1 मार्चपासून मुंबई ते विजयदुर्ग दरम्यान सागरी रो-रो सेवा सुरू होत आहे. 620 प्रवासी आणि 35 वाहने नेण्याची क्षमता असलेल्या या रो-फॅक्स सेवेमुळे मुंबई-विजयदुर्ग प्रवास अवघ्या 7 तासांत पूर्ण होईल. शिमगोत्सवासाठी हे एक विशेष आकर्षण ठरणार आहे, तसेच कोकण रेल्वेला उत्तम पर्याय उपलब्ध होईल.
कोकणात जलवाहतुकीचा एक नवीन अध्याय 1 मार्चपासून सुरू होत आहे. मुंबई ते विजयदुर्ग अशी सागरी रो-रो (रो-फॅक्स) सेवा अखेर कार्यान्वित होणार आहे, ज्याची अनेक दिवसांपासून चर्चा सुरू होती. या सेवेमुळे मुंबईकरांना आणि कोकणी माणसाला प्रवासासाठी एक वेगळा आणि वेगवान पर्याय उपलब्ध होणार आहे.
मुंबई-विजयदुर्ग रो-फॅक्स प्रवासी सेवेसाठी ऑनलाइन बुकिंग सुरू झाले आहे. या जहाजाची क्षमता 620 प्रवासी आणि 35 वाहने नेण्याची आहे. यंदाच्या शिमगोत्सवात ही सागरी रो-फॅक्स सेवा प्रवाशांसाठी एक विशेष आकर्षण ठरणार आहे. महाराष्ट्र सागरी मंडळाने ए टू एम फेरीज या कंपनीला ही सेवा चालवण्याचा ठेका दिला आहे. दक्षिण आशियातील सर्वात वेगवान म्हणून ओळखली जाणारी ही सेवा मुंबई ते विजयदुर्ग हे अंतर सागरी मार्गाने अवघ्या 7 तासांत कापेल. यामुळे कोकण रेल्वेच्या प्रतीक्षेत असलेल्या प्रवाशांना एक महत्त्वपूर्ण पर्याय मिळेल.
