Rising Viral Infections : हवामान बदलामुळे सर्दी, खोकला अन् तापाचे रुग्ण वाढले, डॉक्टरांचं आवाहन काय?

नाागपूर शहरात आणि परिसरात गेल्या काही दिवसांपासून सर्दी, खोकला आणि ताप या आजारांचे प्रमाण लक्षणीयरीत्या वाढले आहे. स्थानिक रुग्णालयांमध्ये ओपीडी रुग्णसंख्या चौपट झाली आहे. नाागपूर मेडिकलचे अधीक्षक आणि प्रमुख पीडियाट्रीशियन डॉ. अविनाश गावंडे यांनी याबाबत चिंता व्यक्त केली आहे. त्यांनी सांगितले की, हवामान बदलामुळे व्हायरल आजारांचा प्रसार वाढला आहे. डेंगूसारखे आजार या वर्षी कमी असले तरी, फिव्हर, सर्दी आणि खोकला यांचा प्रादुर्भाव मोठा आहे. काही टायफाइड आणि हँड-फूट-माऊथ रोगाचे रुग्णही आढळून आले आहेत. डॉ. गावंडे यांनी मुलांना इतर आजारी मुलांपासून दूर ठेवणे, चांगली स्वच्छता, योग्य आहार, पुरेशी झोप आणि नियमित व्यायाम या गोष्टींचे महत्त्व अधोरेखित केले आहे. नाागपूर मेडिकलमध्ये औषधांचा पुरेसा साठा उपलब्ध आहे असेही त्यांनी स्पष्ट केले.