“एकनाथ शिंदे नवे हिंदुहृदयसम्राट!”, नाना पटोलेंचा टोला

अकोला : काँग्रेस प्रदेशाध्यक्ष नाना पटोले (Nana Patole) यांनी दसरा मेळावावरून मुख्यमंत्री एकनाथ शिंदे यांना टोला लगावला आहे. एकनाथ शिंदे (Eknath Shinde) हे नवीन सरकारमधील सध्याचे नवे हिंदूहृदय सम्राट आहेत, असं म्हणत पटोले यांनी एकनाथ शिंदे यांना टोला लगावला आहे. नवे हिंदुहृदयसम्राट हिंदूंच्या व्यवस्थेला विरोध करतात, असंही पटोले म्हणालेत. राहुल गांधी यांच्या भारत जोडो यात्रेच्या पार्श्‍वभूमीचा आढावा घेण्यासाठी वाशिमला जात असताना अकोल्यात त्यांनी माध्यमांशी संवाद साधला.