कुंपणच शेत खातंय.जनतेच्या पैशांची लूट, नाना पटोलेंचा घणाघात

काँग्रेस नेते नाना पटोले यांनी महाराष्ट्र सरकारवर गंभीर भ्रष्टाचाराचे आरोप केले आहेत. कुंपणच शेत खातंय अशा शब्दात त्यांनी जनतेच्या घामाचा पैसा लुटला जात असल्याचा दावा केला. विशेषतः रेती माफिया आणि नाशिक येथील कुंभमेळ्याच्या कामांमध्ये मोठ्या प्रमाणावर अनियमितता असल्याचा पटोले यांचा आरोप आहे.

भंडारा जिल्ह्यातील रेती घाटांमध्ये सुरू असलेल्या गैरव्यवहाराबद्दल त्यांनी महसूल मंत्री बावनकुळे यांना माहिती दिली होती, परंतु अद्याप कारवाई झाली नसल्याचे ते म्हणाले. तसेच, कुंभमेळ्याच्या कामांमध्ये बनावट वर्क ऑर्डर छापून जनतेच्या पैशांची दिवसाढवळ्या लूट केली जात आहे. जळगावमधील एका प्रिंटिंग प्रेसमध्ये या वर्क ऑर्डर छापल्या गेल्या असून, त्यात नाशिकच्या पालकमंत्र्यांच्या कुटुंबातील सदस्यांचाही सहभाग असल्याचा गंभीर आरोप त्यांनी केला.

या भ्रष्टाचाराला फडणवीस सरकार जबाबदार असून, यामुळे महाराष्ट्राची बदनामी होत असल्याचे पटोले यांनी म्हटले आहे. निवडणूक आयोगाने मतदार यादीतील त्रुटी दूर कराव्यात, अशी मागणीही त्यांनी यावेळी केली.

Nana Patole
Maharashtra corruption
Sand mining scam
Kumbh Mela fraud
Fadnavis government
Voter list errors