Shri Sai Baba Mandir : शिर्डीच्या साईंच्या दर्शनाने नवीन वर्षाची सुरुवात, भाविकांची मोठी गर्दी

नवीन वर्षाची सुरुवात भाविकांनी शिर्डीमध्ये साईबाबांच्या दर्शनाने केली आहे. साईंच्या दर्शनासाठी भाविकांनी मोठी गर्दी केली असून शिर्डीत उत्साहाचे वातावरण आहे. साईबाबांच्या शिर्डीमध्ये नवीन वर्ष मोठ्या जल्लोषात साजरे केले जात आहे. साई मंदिराला आकर्षक विद्युत रोषणाई करण्यात आली आहे, ज्यामुळे मंदिराचे सौंदर्य अधिकच खुलले आहे. द्वारकामाई परिसरात भाविकांची मोठी मांदियाळी जमली आहे. साईभक्तांचा एक मोठा मेळाच या ठिकाणी भरलेला दिसून येतोय. साईनामाच्या जयघोषात सर्व भाविक नवीन वर्षाचे स्वागत आणि आनंद साजरा करत आहेत. साईबाबांच्या दर्शनाचा भाविकांसाठी नेहमीच एक विशेष अनुभव असतो. उपस्थित भाविकांनी बाबा के दर पे तो अनोखी मजा आ रही है असे सांगून साईबाबांवरील श्रद्धा व्यक्त केली. मंदिरातील भक्तिमय वातावरणामुळे भाविकांना विशेष समाधान लाभत आहे.