… म्हणून चर्चा टाळली जातेय; राहुल गांधींचे गंभीर आरोप

राहुल गांधी यांनी पंतप्रधान नरेंद्र मोदींवर गंभीर टीका केली आहे. पंतप्रधान मोदींनी घेतलेल्या तडजोड भुमिकेमुळे पश्चिम आशियातील संकटावर चर्चा टाळली जात असल्याचा आरोप गांधी यांनी केला आहे. यामुळे पंतप्रधानांची भूमिका उघड होण्याची भीती त्यांना वाटते.

गांधींच्या मते, पश्चिम आशियामध्ये सुरू असलेल्या घडामोडींमुळे भारताच्या अर्थव्यवस्थेला मोठे नुकसान होणार आहे. सध्या पॅराडाइम शिफ्टची लढाई सुरू असून, याचा शेअर बाजारावरही विपरीत परिणाम दिसून आला आहे. पंतप्रधान मोदींनी एक यूएस डील केली असून, यामुळे देशाला मोठा फटका बसेल अशी भीती राहुल गांधी यांनी व्यक्त केली आहे.

देशासमोर असे गंभीर प्रश्न असताना त्यावर चर्चा का टाळली जाते, असा सवाल राहुल गांधींनी उपस्थित केला आहे. हे जनतेचे प्रश्न असून, यावर सभागृहात सविस्तर चर्चा होणे आवश्यक आहे असे त्यांनी म्हटले आहे. यामुळे नागरिकांच्या हिताचे निर्णय घेता येतील आणि देशासमोरील आव्हानांना सामोरे जाण्यासाठी योग्य उपाययोजना करता येतील यावर त्यांनी भर दिला.