हे आंदोलन तर बेजबाबदारपणा, एकनाथ शिंदेंची राहुल गांधींवर टीका; म्हणाले आंदोलनाची जागा…

कॉकरोच जनता पार्टीच्या आंदोलनावर झालेल्या लाठीमार नंतर काल पुन्हा एकदा आंदोलन चिघळलं होतं. तरुण आंदोलकांवर पोलिसांनी केलेल्या लाठीचार्जचा सर्वच स्तरातून निषेध नोंदवला जात आहे. या हल्ल्याच्या निषेधार्थ काँग्रेस नेते राहुल गांधी आणि प्रियंका गांधी यांनी मोदींच्या निवासस्थानी धरणे आंदोलन सुरू केलं. तसेच प्रत्येक देशवासियांना मोदींच्या घरासमोर सुरू असलेल्या धरणे आंदोलनात सहभागी होण्याचं आवाहन केलं. राहुल गांधी यांनी ट्विट करून हे आवाहन केलं होतं मात्र अचानक राहुल गांधींचं आंदोलन चिघळल्याचं समोर आलं.आंदोलनस्थळी पोलीस दाखल झाले आणि त्यांनी आंदोलकांना ताब्यात घेण्यसा सुरुवात केली. यावेळी त्यांनी राहुल गांधींनाही ताब्यात घेतलं कारण मंत्र्यांनी येऊन चर्चा केल्यानंतरही पंतप्रधांनाच्या निवासस्थानाबहेर आंदोलन सुरू होतं याबाबत आता उपमुख्यमंत्री एकनाथ शिंदे यांनी मोठी प्रतिक्रिया दिली आहे.

शिंदे म्हणाले, “राहुल गांधी लोकसभेतील विरोधी पक्ष नेते आहेत मोठ्या पदावर आहेत त्यामुळे त्यांचं कालंच आंदोलन हे अत्यांत बेजबाबदारपणाचं होतं. तुम्ही आंदोलन करता मान्य मात्र चुकीच्या ठिकाणी करता. तुम्ही आंदोलनासाठी ठिकाण चुकीचं निवडलंत. जर असं काही नाही तर तुम्हाला पंतप्रधानांच्या निवासस्थानाबाहेर घातपात करायचा होता का?” शिंदेच्या या विधानाने एकच खळबळ उडाली आहे.