BMC Election 2026 : मतदानासाठी प्रतीक्षा, पत्नीच्या मागे राज ठाकरे, सहकुटुंब मतदान केंद्रावर, बघा फोटो

मनसे अध्यक्ष राज ठाकरे यांनी आज सकाळी सहकुटुंब मतदान केंद्रावर उपस्थित राहून आपला मतदानाचा हक्क बजावला. सकाळी साडेसात वाजल्यापासून मतदानाला सुरुवात झाली होती. या प्रसंगी राज ठाकरे यांच्यासोबत त्यांची पत्नी शर्मिला ठाकरे, मुलगा अमित ठाकरे, मिताली ठाकरे आणि उर्वशी ठाकरे उपस्थित होते. इतर सामान्य नागरिकांप्रमाणे रांगेत उभे राहून त्यांनी लोकशाही प्रक्रियेत सहभाग नोंदवला. त्यांच्या मतदानाची दृष्ये टीव्ही नाईन मराठीच्या कॅमेरात कैद झाली.

सध्याची ही निवडणूक ठाकरे बंधूंसाठी अत्यंत महत्त्वाची आणि प्रतिष्ठेची मानली जात आहे. तब्बल वीस वर्षांनंतर ठाकरे बंधू एकत्र आलेले आहेत. या निवडणुकीच्या पार्श्वभूमीवर त्यांनी एकत्र सभा घेतल्या होत्या, तसेच विविध शाखांना भेटी देऊन कार्यकर्त्यांशी संवाद साधला होता. या एकजुटीमुळे महाराष्ट्राच्या राजकारणात नवे समीकरण उदयास आल्याचे चित्र आहे, जे आगामी काळात महत्त्वाचे ठरू शकते. ही निवडणूक मुंबई महानगरपालिकेच्या (BMC) भविष्यासाठी निर्णायक ठरण्याची शक्यता असून साऱ्यांचं लक्ष आता निकालाकडे लागलं आहे.