आधी मला तर स्कोअर करू दे, बाकीची टीम… बच्चू कडूंच्या दाव्यावर सचिन अहिर असं काय म्हणाले?
राज्यात पावसाळी अधिवेशनाच्या पार्श्वभूमीवर राजकीय घडामोडींना वेग आला आहे. या अधिवेशनाच्या काळात ठाकरे गटाचे तब्बल 6 खासदार फुटले त्यानंतर आमदारही फुटतील अशा चर्च रंगत होत्या. काही दिवसांत आणखी नेते फुटतील, असा दावा सत्ताधारी पक्षातील नेत्यांकडून केला जात आहे.
राज्यात पावसाळी अधिवेशनाच्या पार्श्वभूमीवर राजकीय घडामोडींना वेग आला आहे. या अधिवेशनाच्या काळात ठाकरे गटाचे तब्बल 6 खासदार फुटले त्यानंतर आमदारही फुटतील अशा चर्च रंगत होत्या. काही दिवसांत आणखी नेते फुटतील, असा दावा सत्ताधारी पक्षातील नेत्यांकडून केला जात आहे. ठाकरे गटातून शिंदे गटात गेलेले सचिन अहिर यांनीही आणखी एक नेता शिंदे गटात येणार असल्याचा दावा केला आहे.
पावसाळी अधिवेशनादरम्यान उपसभापतीपदाची निवडणूक पार पडली. या निवडणुकीत सचिन अहिर यांनी ठाकरे गटाची साथ सोडत शिंदे गटाकडून उमेदवारी अर्ज दाखल केला होता. त्यानंतर ही निवडणूक बिनविरोध झाल्याने सचिन अहिर यांची उपसभापतीपदी निवड झाली.
दरम्यान, आमदार बच्चू कडू यांनीही मोठं वक्तव्य करत चर्चांना उधाण आणलं आहे. “शिवसेनेत सचिन अहिर आले आहेत. आता त्यांची क्रिकेटची टीमही येणार आहे. आता त्याला संजय राऊत रोखू शकत नाही. सर्व खापर हे संजय राऊत यांच्यावर फुटत आहे,” असं बच्चू कडू म्हणाले. यावर सचिन अहिर यांनीही प्रतिक्रिया देताना, “आधी मला जरा स्कोअर करून देत मग संपूर्ण टीम आणेन,” असं म्हटलं आहे.
