Sharad Pawar Health : शरद पवारांच्या तब्येतीबाबत मोठी अपडेट; आजच रुग्णालयातून डिस्चार्ज मिळण्याची शक्यता

राष्ट्रवादी काँग्रेसचे अध्यक्ष शरद पवार यांच्या तब्येतीमध्ये सुधारणा होत असून, मुंबईतील ब्रीच कँडी रुग्णालयातून त्यांना आज (दि. …) डिस्चार्ज मिळण्याची शक्यता वर्तवली जात आहे. गेल्या तीन दिवसांपासून त्यांच्यावर रुग्णालयात उपचार सुरू आहेत. त्यांची प्रकृती स्थिर असून, डॉक्टरांनी त्यांना घरी सोडण्याचा निर्णय घेतल्याचे सूत्रांनी सांगितले.

या दरम्यान, जय पवार यांनी शरद पवारांना फोन करून त्यांच्या तब्येतीची विचारपूस केली. जय पवार यांच्यासोबतच सुनेत्रा पवार यांनीही पवारांच्या प्रकृतीबद्दल चौकशी केली. यापूर्वी, पंतप्रधान नरेंद्र मोदी, मुख्यमंत्री एकनाथ शिंदे, उपमुख्यमंत्री देवेंद्र फडणवीस, उद्धव ठाकरे, ममता बॅनर्जी यांच्यासह अनेक बड्या राजकीय नेत्यांनी शरद पवारांच्या तब्येतीची विचारपूस केली आहे. उद्धव ठाकरे आज दुपारी १२ वाजता स्वतः ब्रीच कँडी रुग्णालयात जाऊन पवारांची भेट घेणार आहेत. या घडामोडींमुळे राजकीय वर्तुळात पवारांच्या प्रकृतीवर लक्ष ठेवले जात आहे.