“नालायक मंत्र्यांना, त्यांच्याच भाषेत मराठा समाज उत्तर देईल”, पेडणेकर सावंतांवर बरसल्या

मुंबई : सार्वजनिक आरोग्य आणि कुटुंब कल्याणमंत्री तानाजी सावंत (Tanaji Sawant) यांनी केलेल्या एका विधानानंतर त्यांच्यावर जोरदार टीका होतेय. शिवसेना नेत्या किशोरी पेडणेकर (Kishori Pednekar) यांनीही सावंतांवर टीका केली आहे. मीही मराठा समाजातून येते. नालायक आणि चुकीचं वर्तन करणाऱ्या मंत्र्यांना त्यांनी जी भाषा वापरली त्याच भाषेत मराठा समाज उत्तर देईल, असं पेडणेकर म्हणाल्या आहेत. आधी तुम्ही एवढं बोलत होता. आता तुम्ही सत्तेत आहात. तर मग तुम्ही द्या मराठा समाजाला आरक्षण, असंही पेडणेकर म्हणाल्या आहेत.