नंदुरबार आढावा : काँग्रेसच्या बालेकिल्ल्यात भाजप पुन्हा झेंडा फडकवणार?

नंदुरबार : जिल्ह्यातील सर्व चार विधानसभा मतदारसंघ (Nandurbar assembly seats) राखीव आहेत. सत्ताधारी भाजपकडे दोन आणि काँग्रेसकडे दोन जागा (Nandurbar assembly seats) आहेत. गेल्या निवडणुकीत भाजपने या जिल्ह्यात मोठं यश मिळवत दोन जागांवर विजय मिळवला. शिवाय नुकत्याच झालेल्या लोकसभा निवडणुकीतही भाजपच्या डॉ. हीना गावित यांनी विजय मिळवला होता.

अक्कलकुवा

या मतदारसंघात काँग्रेसचे के. सी. पाडवी यांनी 15777 मतांनी विजय मिळवला होता. तर दुसऱ्या क्रमांकावर राष्ट्रवादीचे उमेदवार पी. व्ही. रुपसिंग होते. रुपसिंग यांनी 48 हजार 635 आणि विजयी उमेदवार पाडवी यांनी 64 हजार 410 मतं मिळवली होती. या मतदारसंघात भाजपचा उमेदवार तिसऱ्या आणि शिवसेनेचा उमेदवार चौथ्या क्रमांकावर राहिला होता.

शहादा

भाजपचे उदयसिंह पाडवी यांनी काँग्रेसचे पद्माकर वळवी यांचा पराभव केला होता. पाडवी यांनी 58 हजार 556 आणि वाळवी यांना 57 हजार 837 मतं मिळाली होती.

नंदुरबार

नंदुरबार विधानसभा मतदारसंघावरही भाजपने झेंडा फडकावला होता. भाजपचे विजयकुमार गावित यांनी या मतदारसंघात काँग्रेसचे कुणाल वासवे यांचा पराभव केला होता.

नवापूर

या मतदारसंघात काँग्रेसचे सुरुपसिंग नाईक यांनी राष्ट्रवादीचे शरद गावित यांचा 21817 मतांनी पराभव केला होता.

नंदुरबार : एकूण जागा 04 (Nandurbar MLA list)

1 – अक्कलकुवा – के सी पाडवी (काँग्रेस)

2 – शहादा – उदयसिंह पाडवी (भाजप)

3 – नंदुरबार – विजयकुमार गावित (भाजप)

4 – नवापूर – सुरूपसिंग नाईक (काँग्रेस)