Realme ने लाँच केला 1.97-इंच डिस्प्ले असलेला स्मार्टवॉच, जाणून घ्या या वॉचचे धमाकेदार फिचर्स
1.97 इंचाच्या डिस्प्लेसह एक नवीन स्मार्टवॉच लाँच करण्यात आला आहे. यात जीपीएस, ब्लूटूथ कॉलिंग आणि आरोग्य फिचर्स आहेत. हे स्मार्टवॉच अचूक लोकेशन ट्रॅकिंग आणि थेट कॉल मेकिंग देते. चला तर मग आजच्या लेखात या वॉचची किंमत आणि फिचर्स जाणून घेऊयात.
Realme ने भारतात त्यांचे नवीन स्मार्टवॉच लाँच केले आहे. जे कंपनीने Realme Watch 5 म्हणून सादर केले आहे. या वॉचमध्ये मोठा AMOLED डिस्प्ले आहे आणि त्यात GPS आणि अनेक आरोग्य आणि फिटनेस फिचर्स आहेत. कंपनीने हे स्मार्टवॉच Realme P4x 5G हँडसेटसह लाँच केले आहे. कंपनीने म्हटले आहे की हे स्मार्टवॉच Optiemus Electronics सोबत भागीदारीत विकसित केले गेले आहे, जे पुढील काही वर्षांत त्यांच्या सर्व उत्पादनांचे लोकलाइज करण्याच्या प्रयत्नांचा एक भाग आहे. तर आजच्या लेखात आपण या स्मार्टवॉचच्या किंमती आणि फिचर्स जाणून घेऊयात.
Realme Watch 5 ची किंमत
Realme Watch 5 ची किंमत 4,499 रूपये आहे, परंतु लाँच ऑफरचा भाग म्हणून, कंपनी 500 ची सूट देत आहे, ज्यामुळे या स्मार्टवॉचची किंमत 3,999 पर्यंत कमी होईल. स्मार्टवॉचचा पहिला सेल 10 डिसेंबर रोजी दुपारी 12 वाजता सुरू होईल आणि तो Realme इंडिया स्टोअर आणि फ्लिपकार्टवरून खरेदीसाठी उपलब्ध असेल. हे स्मार्टवॉच ब्लॅक, सिल्वर, मिंट ब्लू आणि व्हायब्रंट ऑरेंज रंगात उपलब्ध असेल.
Realme Watch 5 ची फिचर्स
स्मार्टवॉचच्या फिचर्स बद्दल बोलायचे झाले तर, या स्मार्टवॉचला 1.97 इंचाचा AMOLED डिस्प्ले आहे ज्याचा रिफ्रेश रेट 60Hz आहे. तो 600 निट्स पर्यंतची पीक ब्राइटनेस देखील देतो. स्मार्टवॉचमध्ये 2D फ्लॅट ग्लास कव्हर आणि मेटॅलिक युनि-बॉडी डिझाइन आहे. यात अॅल्युमिनियम-अ‍ॅलॉय फंक्शनल क्राउन देखील आहे. त्याचबरोबर हनीकॉम्ब स्पीकर होल आणि नवीन 3D वेव्ह स्ट्रॅप देखील आहे.
स्मार्टवॉचला 108 स्पोर्ट्स मोड्स
नवीन वॉच 5 मध्ये ब्लूटूथ कॉलिंग पर्याय देखील आहेत. यात NFC आणि 300 हून अधिक कस्टमायझ करण्यायोग्य वॉच फेस देखील आहेत. यात पाच GNSS सिस्टमसह स्वतंत्र GPS देखील आहे. याव्यतिरिक्त, स्मार्टवॉचमध्ये 108 स्पोर्ट्स मोड्स, गाईडेड वर्कआउट्स, स्ट्रेचिंग टूल्स आणि Realme Link अॅपसह इंटिग्रेशन आहे.
तसेच यामध्ये हेल्थ मॉनिटरिंगच्या फिचर्सच्या बाबतीत बोलायचे झाले तर Realme Watch 5 मध्ये हार्ट रेट ट्रॅकिंग, SpO2 मेजरमेंट, स्लीप मॉनिटरिंग, ताण ट्रॅकिंग आणि मासिक पाळी व्यवस्थापन समाविष्ट आहे. स्मार्टवॉचमध्ये तीन ब्रीदिंग ट्रेनिंग मोड, म्यूजिक कंट्रोल, एक कंपास आणि एक वैयक्तिक कोच देखील आहे. तसेच या वॉचची बॅटरी लाइफ 16 दिवसांपर्यंत आणि लाईट मोडमध्ये 20 दिवसांपर्यंत टिकण्याची अपेक्षा आहे.
