सनरूफ कार हव्यात का? ‘या’ 4 कार जबरदस्त, जाणून घ्या

तुम्ही सनरूफ कार खरेदी करण्याचा प्लॅन करत असाल तर ही बातमी आधी वाचा. सनरूफ हे आजच्या काळात वाहनांमध्ये सर्वाधिक मागणी असलेले वैशिष्ट्य बनले आहे. फक्त एक बटण दाबल्याने सनरूफ उघडते आणि बाहेरून ताजी हवा आणि सूर्यप्रकाश छतातून आत येतो, ज्यामुळे लोकांना ताजेतवाने वाटते. यामुळे केबिनमध्ये चांगली लाइटिंग देखील मिळते. लोक याला चैनीशी जोडतात. एसयूव्ही सेगमेंटला सनरूफ मिळते पण त्यांची किंमतही जास्त असते. परंतु, बाजारात अशी अनेक छोटी वाहने आहेत ज्यात सनरूफ फीचर आहे. या लेखात आम्ही तुम्हाला अशा वाहनांबद्दल सांगणार आहोत.

1. ह्युंदाई एक्सटर

या यादीतील पहिले नाव ह्युंदाई एक्सटर आहे. ही ह्युंदाई कंपनीच्या प्रसिद्ध कारपैकी एक आहे. ह्युंदाई एक्सटर अनेक व्हेरिएंटमध्ये येते परंतु, यामध्ये तुम्हाला एस स्मार्ट व्हेरिएंटचे सनरूफ फीचर मिळेल, ज्याची एक्स-शोरूमची किंमत 7 लाख रुपये आहे. यात 1197 सीसीचे 4-सिलिंडर इंजिन आहे, जे 6000 आरपीएमवर 81.8 बीएचपी आणि 4000 आरपीएमवर 113.8 एनएम टॉर्क देते. एक्सटरची लांबी 3815 मिमी, रुंदी 1710 मिमी आणि उंची 1631 मिमी आहे. तसेच, त्याचा व्हील बेस 2450 मिमी आहे आणि यात 391 लिटरची बूट स्पेस आहे.

2. टाटा पंच

या यादीतील पुढचे नाव म्हणजे टाटाचा लोकप्रिय ‘पंच’. दर महिन्याला या कारच्या हजारो युनिट्सची विक्री होते. एक्सटर प्रमाणेच हे देखील अनेक व्हेरिएंटमध्ये येते, परंतु, यात तुम्हाला अ‍ॅडव्हेंचर एस व्हेरिएंटचे सनरूफ मिळेल. या व्हेरिएंटची एक्स शोरूम किंमतही सुमारे 7 लाख रुपये आहे. हे व्हेरिएंट 1.2-लीटर 3-सिलेंडर पेट्रोल इंजिनसह उपलब्ध आहे, जे जास्तीत जास्त 88hp पॉवर आणि 115Nm टॉर्क देते. यात 5-स्पीड मॅन्युअल किंवा 5-स्पीड एएमटी गिअरबॉक्स देण्यात आला आहे. यासह, पंचचे सीएनजी व्हेरिएंट देखील उपलब्ध आहे.

3. ह्युंदाई आय 20

ह्युंदाईची प्रसिद्ध हॅचबॅक कार i20 देखील एक चांगली कार आहे, जी सनरूफसह येते. यामध्ये तुम्हाला सनरूफ देखील मिळेल, परंतु, मॅग्ना व्हेरिएंटमधून, ज्याची एक्स-शोरूम किंमत 8.27 लाख रुपयांपासून सुरू होते. या कारमध्ये 1197 सीसीचे 4 सिलिंडर इंजिन आहे, जे 6000 आरपीएमवर 87 बीएचपी आणि 4200 आरपीएमवर 114.7 एनएम टॉर्क देते. तसेच या कारमध्ये 37 लिटरची फ्यूल टाकी आहे आणि ती 20 किमी/लीटरचे मायलेज देते. यात सामान ठेवण्यासाठी 311 लिटरची बूट स्पेस आहे.

4. टाटा अल्ट्रोज़

या यादीतील आणखी एक कार म्हणजे अल्ट्रोज ज्यामध्ये तुम्हाला सनरूफ मिळेल. हॅचबॅक सेगमेंटमध्ये येणारी ही गाडी देशातील सर्वात प्रसिद्ध वाहनांपैकी एक आहे. अल्ट्रोजच्या प्युअर एस व्हेरिएंटमध्ये सनरूफ मिळेल, ज्याची एक्स-शोरूम किंमत 7.36 लाख रुपयांपासून सुरू होते. यात 1.2-लीटर, 3-सिलेंडर इंजिन आहे जे 6000rpm वर 86.79bhp आणि 3250rpm वर 115Nm टॉर्क जनरेट करते. डायमेन्शनबद्दल बोलायचे झाले तर ही कार 3990 मिमी लांब, 1755 मिमी रुंद आणि 1523 मिमी उंच आहे. यात 2501 मिमीचा व्हील बेस आणि 165 मिमीचा ग्राउंड क्लीयरन्स आहे. तसेच कंपनीने या कारमध्ये 345 लीटरची बूट स्पेस दिली आहे, ज्यामध्ये तुम्ही भरपूर सामान ठेवू शकता.