डिलिव्हरी घेताना कारचा अपघात झाल्यास नुकसान भरपाई कोण करणार? जाणून घ्या
नवीन कार डिलिव्हरी दरम्यान जर अपघात झाला तर भरपाई कोण करणार, याविषयी तुम्हाला माहिती आहे का? नसेल माहिती तर चिंता करू नका. याविषयी आम्ही माहिती देणार आहोत.
दिल्लीत नवीन महिंद्रा थारच्या डिलिव्हरीदरम्यान मोठा अपघात झाला, ज्यामध्ये वाहन तुटले. कार अपघातानंतर आता प्रश्न निर्माण होतो की, या नवीन कारची भरपाई कोण करणार? आता याविषयी अनेकांना माहिती नसतं. चला तर मग याविषयीची माहिती पुढे जाणून घेऊया.
नवीन कार डिलिव्हरी दरम्यान कोणताही अपघात झाला तर सर्वात मोठा प्रश्न उद्भवतो की तोटा कोण भरणार आणि विम्याचा दावा कसा केला जाईल? दिल्लीच्या निर्माण विहारमध्ये महिंद्रा थार गाडीची नवीन कार डिलिव्हरी दरम्यान झालेल्या बिघाडामुळे पहिल्या मजल्यावरून खाली पडली, अशा परिस्थितीत कोण जबाबदार आहे आणि विमा दाव्यांचे नियम काय आहेत ते समजावून घेऊया.
एखादा ग्राहक नवीन वाहन खरेदी करतो, तेव्हा वाहनाची विमा पॉलिसी सहसा त्याच्या वितरणापूर्वी जारी केली जाते. याचा अर्थ असा की कारच्या संरक्षणासाठी विमा आधीच सक्रिय आहे. त्यामुळे डिलिव्हरी दरम्यान किंवा शोरूममधून बाहेर पडताच अपघात झाला तर विमा त्या नुकसानीची भरपाई करतो.
निर्माण विहारच्या बाबतीत, महिला ग्राहकाने पूजेच्या वेळी चुकून उत्साहात एक्सलेटर दाबला, ज्यामुळे कार रस्त्यावर खाली पडली आणि पहिल्या मजल्यावरील काचांचे नुकसान झाले. एअरबॅग उघडल्यामुळे अपघातात कोणतीही गंभीर दुखापत झाली नाही, परंतु कार आणि जवळच उभ्या असलेल्या दुचाकींचे नुकसान झाले.
नियम काय म्हणतात?
कायद्यानुसार, जेव्हा वाहनाची डिलिव्हरी पूर्ण होते, म्हणजेच वाहनाची नोंदणी ग्राहकाच्या नावावर होते आणि विमा पॉलिसी सुरू केली जाते, तेव्हा त्याची मालकी आणि जबाबदारी ग्राहकांवर येते. त्यामुळे वाहन चालवताना अपघात झाल्यास ग्राहक विम्याचा दावा करू शकतो. जर पॉलिसी आणि नोंदणी प्रक्रिया पूर्ण झाली नाही तर त्याची जबाबदारी शोरूम किंवा वाहन विक्रेत्यावर येऊ शकते.
नुकसान भरपाई कोण करणार?
कायद्यानुसार, ग्राहकाला डिलिव्हरी (म्हणजे आरसी ट्रान्सफर, इन्शुरन्स डॉक्युमेंट्स आणि कारच्या चावी) होताच वाहनाची जबाबदारी ग्राहकावर येते. तथापि, बहुतेक प्रकरणांमध्ये, शोरूम डिलिव्हरीपूर्वी कारचा विमा उतरवते, म्हणून विमा कंपनी अपघाताची भरपाई करते.
काय मिळेल?
बहुतेक नवीन कार विमा डिलिव्हरीपूर्वी शोरूमद्वारे केला जातो, जेणेकरून ग्राहकांना अपघातानंतर झालेल्या नुकसानीसाठी दावा मिळू शकेल. विमा दाव्यासाठी सर्वात महत्वाची पायरी म्हणजे विमा कंपनीला त्वरित अपघाताची माहिती देणे. यासह, पोलिस अहवाल (आवश्यक असल्यास), छायाचित्रे आणि आवश्यक कागदपत्रे एकत्र ठेवली जातात. विमा कंपनी एक सर्वेक्षक पाठवते जो नुकसानीचे मूल्यांकन करतो आणि दावा प्रक्रिया सुरू होते. या काळात योग्य माहिती आणि आवश्यक कागदपत्रे देणे खूप महत्वाचे आहे जेणेकरून क्लेम मंजुरीत कोणतीही अडचण येणार नाही.
