‘गॅस सिलिंडरचा स्फोट झाल्यास 6 लाखांचा मोफत विमा, इतर खर्चासाठी 4 लाख’, तुम्हाला ‘हे’ माहितीय?

गॅस सिलिंडरचा स्फोट झाला तर संबंधित तेल कंपनीकडून लाखो रुपयांचा विमा मिळण्याची तरतूद असते.

'गॅस सिलिंडरचा स्फोट झाल्यास 6 लाखांचा मोफत विमा, इतर खर्चासाठी 4 लाख', तुम्हाला 'हे' माहितीय?
Gas Cylinder


मुंबई : अनेकजण घरात गॅस सिलिंडर वापरतात मात्र त्याबद्दल त्यांना फार काहीच माहिती नसते. केवळ गॅस टाकी भरुन आणणे आणि ती वापरणे याचीच पुनरावृत्ती होत राहते. मात्र, गॅस सिलिंडरच्या काही गोष्टींकडे दुर्लक्ष केल्यास तुमचं मोठं नुकसान होऊ शकतं. तुम्हाला गॅस सिलिंडर घेतल्यानंतर मिळणाऱ्या अनेक आर्थिक सुरक्षेच्या बाबींना मुकायला लागू शकतं. आज आपण अशाच एका गोष्टीविषयी जाणून घेणार आहोत. ही गोष्ट आहे गॅस सिलिंडरचा अपघात आणि त्यावरील विमा. जर गॅस सिलिंडरचा स्फोट झाला तर संबंधित तेल कंपनीकडून लाखो रुपयांचा विमा मिळण्याची तरतूद असते (Know all about Gas cylinder blast and insurance on it by oil company in India).

भारतात इंडियन ऑईल कॉर्पोरेशन (IOCL), हिंदुस्तान पेट्रोलियम (HPCL), भारत पेट्रोलियम (BPCL) या तीन कंपनी गॅस सिलिंडरच्या स्फोटावर सुरक्षा विमा देतात. या इंशुरन्स पॉलिसीचं नाव ‘पब्लिक लायबिलिटी इंशुरन्स (Public Liability Insurance) असं आहे. Public Liability Insurance प्रति इव्हेंटसाठी 50 लाखांपर्यत, व्यक्तीसाठी 10 लाखांपर्यंत आणि एक वर्षात 100 कोटी रुपयांपर्यंत असतो.

गॅस सिलिंडरच्या विम्यात कोणते लाभ?

हिंदुस्ताना पेट्रोलियमकडून याबाबत एक नोटिफिकेशन जारी करण्यात आलंय. यात पर्सनल एक्सिडंट कव्हर 6 लाख रुपयांपर्यंत मिळतो. मात्र, वैद्यकीय खर्चाच्या रुपात 30 लाख रुपयांपर्यंत मिळतो. प्रति व्यक्ती ही मर्यादा 2 लाख रुपये आहे. तात्काळ मदतीच्या रुपात 25 हजार रुपये मिळतात. संपत्तीचं नुकसान झालं असल्यास प्रति अपघात 2 लाख रुपये मिळतात. हा लाभ केवळ नोंदणीकृत ग्राहकांना नोंदणी केलेल्या पत्त्यासाठी मिळतो. म्हणूनच तुम्ही ज्या पत्त्यावर गॅस कनेक्शन घेतलंय ते ठिकाण बदललं तर गॅस कंपनीकडील पत्त्यातही वेळीच बदल करुन घ्या. जर तुमचा नोंदणीचा पत्ता आणि अपघात झाला तो पत्ता वेगळा असेल तर तुम्हाला यापैकी कोणताही लाभ घेता येणार नाही.

हेही वाचा :

LPG Cylinder Price : 1 एप्रिलपासून घरगुती गॅस सिलिंडर स्वस्त, तुमच्या भागात LPG Cylinder ची किंमत किती?

आधार कार्ड लिंक असल्यास 312 रुपयांपेक्षा कमी किमतीत मिळणार सिलिंडर, जाणून घ्या प्रक्रिया

LPG Cylinder Price: सिलिंडर महागलंय, त्रस्त आहात?, मग स्वस्तात गॅस बुक करण्यासाठी ‘ही’ ट्रिक वापरा

व्हिडीओ पाहा :

Know all about Gas cylinder blast and insurance on it by oil company in India