दाऊदची झोप उडाली! नव्या डॉनच्या एन्ट्रीने अंडरवर्ल्डमध्ये खळबळ, तो खलनायक नेमका कोण?
अंडरवर्ल्ड डॉन दाऊद इब्राहिमच्या D-कंपनीपेक्षा मोठं एक दहशतवादी नेटवर्क तयार होत आहे? भारतीय तपास यंत्रणेने एका गँगबाबत खळबळजनक खुलासे केले आहेत. त्यामुळे एक नवी गँगस्टर टोळी तयार होत असल्याचे म्हटले जात आहे.
गुन्हेगारीच्या जगतात एक नवा डॉन जन्म घेतोय? अंडरवर्ल्ड डॉन दाऊद इब्राहिम टेंशनमध्ये आलाय का? D-कंपनीपेक्षा मोठा धोका बनत चालला आहे का भारताचा हा युवा डॉन? चेहऱ्यावर अभिमान, मिशांवर ताव आणि बेधडक अंदाज. भारताचा तो डॉन जो तुरुंगात असूनही 26-27 देशांमध्ये गुन्हेगारी ऑपरेशन चालवतोय. ज्याच्या एका धमकीमुळे बॉलिवूडपासून भोजपुरी इंडस्ट्रीपर्यंत खळबळ उडते. तो डॉन दाऊद इब्राहिमपेक्षा मोठा बनतोय का? गुन्हेगारीच्या जगतात आता मोठ्या तुलनात्मक विश्लेषणाला सुरुवात झाली आहे. आता हा डॉन आहे तरी कोण? असा प्रश्न सर्वांना पडला आहे.
भारतीय तपास यंत्रणांनी गँगस्टर लॉरेंस बिश्नोईचा भाऊ अनमोल बिश्नोईला अमेरिकेतून डिपोर्ट करून भारतात आणले आहे. अनमोलने चौकशीत केलेले खुलासे थक्क करणारे आहेत. एकापेक्षा एक मोठे खुलासे करत राष्ट्रीय तपास यंत्रणा (NIA) ला युवा गँगस्टर लॉरेंस बिश्नोईच्या पोहोच आणि व्याप्तीबाबत माहिती मिळत आहे. लॉरेन्स गँगचे कारनामे ९० च्या दशकातील सर्वात कुख्यात गुन्हेगार दाऊद इब्राहिमलाही मागे टाकत आहेत. लॉरेंस बिश्नोई गँगच्या ऑपरेशनची पद्धत आणि विस्तार पाहता तपास यंत्रणा थक्क झाल्या आहेत, जी दाऊद इब्राहिमच्या D-कंपनीपेक्षा खूप वेगळी आहे.
दाऊदपेक्षाही मोठा होतोय हा डॉन?
दाऊद इब्राहिमच्या D-कंपनीचं राज्य मुंबई, खाडी देश, दुबई, पाकिस्तान आणि काही प्रमाणात युरोपपर्यंतच मर्यादित होतं. D-कंपनीच्या ऑपरेशनचा आधार सोन्याची तस्करी, रिअल इस्टेट व्यवसाय, ड्रग्स, शस्त्र आणि फिरौती, फिल्मी कलाकार आणि बिल्डरांकडून अवैध वसुलीपर्यंत सीमित होता. D-कंपनीचं सुमारे १० हजार कोटींचं साम्राज्य तयार झालं होतं. पण १९९३ च्या मुंबई बॉम्बस्फोटानंतर दाऊद आंतरराष्ट्रीय दहशतवादी घोषित झाला. त्याचे अलकायदा आणि इतर दहशतवादी गटांशी संबंध जोडले गेले.
लॉरेन्स आणि दाऊदमध्ये कोणाचं नेटवर्थ जास्त?
दुसरीकडे, लॉरेंस बिश्नोईची भारताबरोबरच २५-२६ देशांमध्ये उपस्थिती आहे. कॅनडा, अमेरिका, थायलंड, कंबोडिया, युरोपियन देशांसह पोर्तुगाल आणि रशियातही उपस्थिती आहे. लॉरेन्सची स्टाइल सोशल मीडिया, व्हर्च्युअल नंबरद्वारे टार्गेट किलिंग, धमकावून पैशांची उकळ करणे. लॉरेन्स गँगनेही दाऊदप्रमाणे फिल्मी जगतात धाक निर्माण करण्यासाठी बाबा सिद्दीकीसारख्या लोकांची हत्या करून दहशत पसरवली आहे. सलमान खान आणि पवन सिंहसारख्या भोजपुरी स्टारला धमकावून आपली दहशत निर्माण करत आहे. सांगितलं जातंय की सध्या लॉरेन्स गँगची चल-अचल संपत्ती सुमारे १००० कोटी रुपयांपर्यंत पोहोचली आहे. अनमोल बिश्नोईच्या चौकशीत या गँगचे सीमेपलीकडचे खालिस्तानी संबंधही समोर आले आहेत.
