ते दोघं पक्के जिगरी दोस्त, खारे फुटाणे विकायचे मग एकानं दुसऱ्याचा काटा का काढला? वाचा अकोल्याची क्राईम स्टोरी

क्षुल्लक कारणावरुन किरकोळ व्यावसायिकाची हत्या करण्यात आल्याची धक्कादायक घटना समोर आली आहे. (Akola Crime Murder)

प्रातिनिधिक फोटो

Namrata Patil | Updated on: Mar 14, 2021 | 11:48 AM

अकोला : एका क्षुल्लक कारणावरुन किरकोळ व्यावसायिकाची हत्या करण्यात आल्याची धक्कादायक घटना समोर आली आहे. अकोला शहरातील अकोट फाईल परिसरात ही घटना घडली. या घटनेतील दोन्ही आरोपींना पोलिसांनी अटक केली आहे. (Akola Crime One Person Killed Another Person)

उधारीवरुन वाद

पोलिसांनी दिलेल्या माहितीनुसार, अकोट फाईल पोलीस स्टेशन हद्दीत संत कबीर नगर नावाचे एक नगर आहे. या ठिकाणी नरेश खुशाल मेगवाणे आणि सोहम गौतम गायकवाड असे दोघे जण राहतात. हे दोघेही एकमेकांचे चांगले मित्र आहेत. ते दोघेही अकोट फाईल आणि रेल्वेस्टेशन परिसरात चुरमुरे, फुटाणे विक्रीचा किरकोळ व्यवसाय करत होते. त्या दोघांमध्ये व्यवसायातील उधारीवरुन आठ दिवसांपासून वाद सुरु होते.

या वादात सोहम गौतम गायकवाड, रोहित गायकवाड आणि राजकुमार या तिघांनी नरेश खुशाल मेगवाणे याला एका ठिकाणी बोलवले. त्यानंतर पूरपीडित कॉलनी परिसरात त्याची निर्घृण हत्या करण्यात आली. यानंतर हे तिन्ही आरोपी फरार झाले.

दोघांना अटक

या घटनेची माहिती अकोट फाईल पोलिसांना मिळताच त्यांनी तातडीने घटनास्थळी धाव घेतली. या घटनेचा पंचनामा करून मृतदेह शवविच्छेदनासाठी रुग्णालयात पाठवण्यात आला. त्यानंत पोलिसांनी सूत्रांच्या मदतीने दोघांना अटक केली. सध्या याचा पुढील तपास अकोट फाईल पोलीस करीत आहे.

दरम्यान गेल्या 8 दिवसात अकोला शहरात 4 जणांची हत्या झाली आहे. त्यामुळे पोलिसांच्या वचकवर प्रश्नचिन्न निर्माण होत आहे. (Akola Crime One Person Killed Another Person)

मोठी बातमी: सचिन वाझेंच्या अटकेनंतर शरद पवारांची पहिली प्रतिक्रिया, म्हणाले…. https://t.co/WYpGHteobj #SachinVaze #sharadpawar #NIA

— TV9 Marathi (@TV9Marathi) March 14, 2021