आम्ही राहायचं कुठे? प्रॉपर्टीच्या वाद विकोपाला, मुलाकडून वडिलांची हत्या

प्रॉपर्टीच्या वादातून जन्मदात्या मुलानेच वडिलांची हत्या केल्याची धक्कादायक घटना समोर आली आहे. (Nagpur Son killed Father due to property issue) 

  • सुनील ढगे, टीव्ही 9 मराठी, नागपूर
  • Published On - 20:24 PM, 24 Feb 2021
आम्ही राहायचं कुठे? प्रॉपर्टीच्या वाद विकोपाला, मुलाकडून वडिलांची हत्या
क्राईम

नागपूर : प्रॉपर्टीच्या वादातून जन्मदात्या मुलानेच वडिलांची हत्या केल्याची धक्कादायक घटना समोर आली आहे. नागपूरच्या गणेश नगर पोलीस स्टेशन हद्दीतील मोहमद अली चौकात ही घटना घडली. युसूफ शेख असं मृत व्यक्तीचे नाव आहे. तर अनिस शेख असे आरोपी मुलाचे नाव आहे. (Nagpur Son killed Father due to property issue)

मिळालेल्या माहितीनुसार, अनिस हा आपल्या वडिलांसोबत एकाच घरात राहत होता. मात्र काही दिवसांपूर्वी त्याच्या वडिलांनी राहते घर शेजाऱ्याला विकून टाकले. यानंतर शेजाऱ्याकडून घर खाली करुन देण्यास तगादा लावला होता. यावरुन गेल्या  काही दिवसांपासून बाप-लेकामध्ये वाद सुरु होते. तुम्ही घरं विकलं, मग आम्ही राहायचं कुठे? असा प्रश्न त्याने वडिलांना विचारला.

मात्र आज सकाळी 11 च्या सुमारास तो वाद चांगलाच विकोपाला गेला. यानंतर मुलाने रागाच्या भरात लोखंडी रॉडने वडिलांच्या डोक्यावर वार केला. हा वार इतका जबरदस्त होता की त्यांचा जागीच मृत्यू झाला. या घटनेच्या वेळी त्या मुलाची पत्नी, आई , मुलगी सगळेच घरी होते. मात्र कोणालाही एवढी मोठी घटना घडेल, असे वाटले नव्हते. वडिलांचा मृत्यू झाल्याचे लक्षात येताच मुलाने स्वतः पोलीस स्टेशनमध्ये जाऊन याबाबतची माहिती दिली. यानंतर पोलिसांनी आरोपी मुलाला अटक केली.

एकत्र कुटुंबात राहणारा हा परिवार असला तरी संपत्तीचा वाद पुढे आला.  ज्या पित्याने आपल्या पुत्राला जन्माला घातलं त्यानेच त्याची हत्या केली. यामुळे धक्कादायक घटनेमुळे परिसरात मोठी हळहळ व्यक्त केली जात आहे. या निमित्ताने संपत्तीचा लोभ माणसाला कुठल्या थराला पोहचवेल हे पुढे आलं आहे.  (Nagpur Son killed Father due to property issue)

संबंधित बातम्या : 

पोलिसांसमोरच तरुणावर प्राणघातक हल्ला, कळवा पोलिसांकडून तिघांना अटक

जेलमध्ये नग्न होऊन धिंगाणा, सातारा पोलिसांना मारण्याचा प्रयत्न, गांजाप्रकरणातील परदेशींचा राडा

खासदार मोहन डेलकर यांच्या सुसाईडमध्ये भाजपच्या माजी आमदाराचं नाव, सचिन सावंत यांचा गौप्यस्फोट