कोण जिंकणार रे कोण जिंकणार? शरद पवारांच्या ‘या’ उमेदवारासाठी तब्बल 30 लाखांच्या 11 बुलेटची पैज

महाराष्ट्रात लोकसभा निवडणुकीसाठी मतदानाचे पाचही टप्पे पूर्ण झाले आहेत. आता फक्त निकालाची वाट बघायची आहे. येत्या 4 जूनला निकाल समोर येणार आहे. पण त्याआधीच विविध पक्षांच्या कार्यकर्त्यांकडून दावे-प्रतिदावे केले जात आहेत. विशेष म्हणजे महाराष्ट्रात एका मतदारसंघात तर शरद पवार यांच्या उमेदवारासाठी तब्बल 30 लाखांच्या 11 बुलेट गाड्यांची पैज लावण्यात आली आहे.

कोण जिंकणार रे कोण जिंकणार? शरद पवारांच्या 'या' उमेदवारासाठी  तब्बल 30 लाखांच्या 11 बुलेटची पैज
शरद पवारांच्या उमेदवारासाठी तब्बल 30 लाखांच्या 11 बुलेटची पैज
Follow us
| Updated on: May 21, 2024 | 3:44 PM

लोकसभा निवडणुकीचा पाचवा टप्पा नुकताच पार पडला असून, लोकसभा निवडणुकीत विजयी कोण होणार? याबाबत मतदारांमध्ये उत्सुकता आहे. माढा लोकसभेत चुरशीची लढत झाली. असे असताना मात्र माढ्याचा खासदार कोण होणार? तुतारी वाजणार की कमळ फुलणार? याचे आडाखे बांधले जात आहेत. पक्षाचे पदाधिकारी, उमेदवारांचे समर्थक आपलाच उमेदवार निवडून येणार असे दावे करताना दिसत आहेत. अशातच राष्ट्रवादी काँग्रेस शरदचंद्र पवार पक्षाचे उमेदवार धैर्यशील मोहिते-पाटील यांच्या समर्थक बंधूंनी चक्क 11 बुलेटची पैज लावली आहे.

मोहिते-पाटील यांचे समर्थक तथा माढा तालुक्यातील योगेश पाटील आणि नीलेश पाटील या युवा शेतकरी भावंडांनी माढ्यातून तुतारीच निवडून येणार, असा आत्मविश्वास घेऊन भाजपसह समर्थकांना 11 बुलेटच्या पैजेचे चॅलेंज उभं केलं आहे. हे चॅलेंज भाजपसह रणजितसिंह निंबाळकरांच्या एका समर्थकांकडून स्वीकारण्यात आल्याचीदेखील माहिती समोर आली आहे.

माढा लोकसभा मतदारसंघात शरद पवार गटाकडून धैर्यशील मोहिते-पाटील तर भाजपकडून रणजितसिंह नाईक-निंबाळकर या दोघांमध्ये राजकीय लढत झाली होती. निवडणूक निकालावर सोलापुरात 1 लाखाची पैज लागलेली आहे. अशातच आता माढा मतदारसंघासाठी देखील 11 बुलेट गाडींचे चॅलेंज लावण्यात आलं आहे. एका बुलेटची किंमत पावणे 3 लाख आहे. त्यामुळे 11 बुलेटची किंमत 30 लाख 25 हजार इतकी आहे.

निंबाळकर समर्थकाने स्वीकारलं चॅलेंज

योगेश पाटील आणि निलेश पाटील या दोन्ही भावांनी अकरा बुलेटचे दिलेले चॅलेंज निंबाळकर समर्थकाने स्वीकारले आहे. माढ्यातून महाविकास आघाडीचे उमेदवार धैर्यशील मोहिते पाटील निवडून येणार, असा दावा दोन्ही भावांनी केला होता. मात्र माढ्यातून भाजपचे रणजीतसिंह नाईक निंबाळकरच निवडून येणार, असा दावा आता फलटणचे माजी नगरसेवक आणि रणजीतसिंह नाईक निंबाळकर समर्थक अनुप शहा यांनी केला आहे.

योगेश पाटील आणि निलेश पाटील या दोन्ही भावांनी पहिल्यांदा बुलेट शोरूमला 11 बुलेटचे पैसे भरूनच चॅलेंज लावावे, असे आवाहन अनुप शहा यांनी केले आहे. आम्ही देखील 11 बुलेटचे पैसे भरायला लगेच तयार आहोत. पंढरपुरात येऊन बुलेट शोरूमला पैसे भरा आणि पावती पाठवा आम्ही देखील लगेच पैसे भरायला तयार असल्याचे अनुप शहा यांनी सांगितले.

Non Stop LIVE Update
शिंदेंच्या दौऱ्यावेळी मीडियाला घेऊन जाणाऱ्या बोटीचा अपघात, बघा व्हिडीओ
शिंदेंच्या दौऱ्यावेळी मीडियाला घेऊन जाणाऱ्या बोटीचा अपघात, बघा व्हिडीओ.
याआधी कधी अस नव्हत...राज्यात आरक्षणाचा वाद, राज ठाकरेंनी मांडली भूमिका
याआधी कधी अस नव्हत...राज्यात आरक्षणाचा वाद, राज ठाकरेंनी मांडली भूमिका.
राज्यातील मंत्रिमंडळ विस्तार कधी होणार? शिरसाटांचं सूचक वक्तव्य काय?
राज्यातील मंत्रिमंडळ विस्तार कधी होणार? शिरसाटांचं सूचक वक्तव्य काय?.
लोकसभेतील अपयशानंतर जानकरांचा स्वबळाचा नारा, विधानसभेसाठी तयारी सुरु
लोकसभेतील अपयशानंतर जानकरांचा स्वबळाचा नारा, विधानसभेसाठी तयारी सुरु.
पोरगं नापास झालं, आता काय करायच.. उदयनराजेंकडून निळू फुलेंची मिमिक्री
पोरगं नापास झालं, आता काय करायच.. उदयनराजेंकडून निळू फुलेंची मिमिक्री.
लोकसभेच्या पहिल्या अधिवेशनापूर्वी मोदींनी सांगितलं18 अंकाचं महत्त्व
लोकसभेच्या पहिल्या अधिवेशनापूर्वी मोदींनी सांगितलं18 अंकाचं महत्त्व.
त्यांना स्वप्नातही बांबू दिसतोय, लोक रस्त्यावर मारतील; राऊतांचा पलटवार
त्यांना स्वप्नातही बांबू दिसतोय, लोक रस्त्यावर मारतील; राऊतांचा पलटवार.
जरांगे पाटील आहे कोण? घटनातज्ज्ञ, वकील की पंतप्रधान? कुणाचा थेट सवाल?
जरांगे पाटील आहे कोण? घटनातज्ज्ञ, वकील की पंतप्रधान? कुणाचा थेट सवाल?.
पावसाचं सावट, चिखलाच्या मैदानात पोलीस भरती सुरू अन् विद्यार्थी आक्रमक
पावसाचं सावट, चिखलाच्या मैदानात पोलीस भरती सुरू अन् विद्यार्थी आक्रमक.
जीपला बांधलं दोर अन् भामट्यांनी ATM मशीनच पळवलं, चोरट्यांचा शोध सुरु
जीपला बांधलं दोर अन् भामट्यांनी ATM मशीनच पळवलं, चोरट्यांचा शोध सुरु.