28 वर्षांपू्र्वीचं प्रचंड सुपरहिट गाणं, जे ऐकताच मुली देखील दिवसभर गुणगुणतात, आजही गाण्याची प्रचंड क्रेझ

बॉलिवूड अभिनेत्री करिश्मा कपूरने आपल्या कारकिर्दीत अनेक दिग्गज कलाकारांसोबत काम केले आहे. मात्र, अभिनेता सलमान खानसोबतच्या चित्रपटांच्या शूटिंगदरम्यानच्या आठवणी आजही तिच्यासाठी तितक्याच खास आहेत. नुकत्याच एका डान्स रिअॅलिटी शोमध्ये तिने ‘प्यार किया तो डरना क्या’ या सुपरहिट चित्रपटातील ‘ओ ओ जाने जाना’ या गाण्याच्या चित्रीकरणावेळी घडलेला एक रंजक अनुभव प्रेक्षकांसमोर मांडला.

सध्या करिश्मा कपूर ‘इंडियाज बेस्ट डान्सर सीझन 5’ या कार्यक्रमात परीक्षकाच्या भूमिकेत दिसत आहे. अलीकडील भागात स्पर्धक प्रथमेशने सलमान खानच्या ‘ओ ओ जाने जाना’ या गाजलेल्या गाण्यावर दमदार डान्स सादर केले. त्याचा परफॉर्मन्स पाहून करिश्मा भारावून गेली. तिने उभे राहून टाळ्या वाजवत स्पर्धकाचे कौतुक केले आणि त्यानंतर सलमान खानसोबतच्या त्या गाण्याच्या शूटिंगच्या आठवणींना उजाळा दिला.

करिश्मा म्हणाली, खरं सांगायचं तर हे गाणं पाहताना मी खूप भावूक झाले. ‘ओ ओ जाने जाना’ रिलीज झाल्याचा काळ मला आजही स्पष्ट आठवतो. त्या वेळी आम्ही सर्व कलाकार एकाच वेळी अनेक चित्रपटांच्या शूटिंगमध्ये व्यस्त होतो. सलमान खान सतत वेगवेगळ्या शिफ्टमध्ये काम करत असल्यामुळे खूप थकलेला असायचा. मात्र, त्याने कधीही त्या थकव्याचा परिणाम आपल्या कामावर होऊ दिला नाही.

सलमान खानचं हिट गाणं

सलमानने अत्यंत कमी वेळ आणि प्रचंड व्यस्त वेळापत्रक असूनही या गाण्याचे चित्रीकरण पूर्ण उत्साहाने केले. त्याचा स्वॅग, त्याची स्टाईल आणि स्क्रीनवरील उपस्थिती आजही तितकीच प्रभावी वाटते. ‘ओ ओ जाने जाना’ या गाण्यात सलमान खानची जी ऊर्जा आणि व्यक्तिमत्त्व दिसते, ती दुसरा कोणीही साकारू शकणार नाही, असेही करिश्माने नमूद केले.

करिश्माच्या मते, त्या काळातील कलाकारांची काम करण्याची पद्धत आजच्या तुलनेत खूप वेगळी होती. अनेकदा एका दिवसात विविध चित्रपटांच्या सेटवर जाऊन वेगवेगळ्या भूमिका साकाराव्या लागत असत. सलग तासन्तास काम करूनही कलाकारांनी प्रत्येक सीन आणि प्रत्येक गाण्यासाठी पूर्ण ताकदीने काम केले. सलमान खानही त्याला अपवाद नव्हता. त्याने प्रत्येक शॉटमध्ये तितक्याच जोशात अभिनय आणि नृत्य केले, त्यामुळेच हे गाणे आजही प्रेक्षकांच्या मनात ताजे आहे.