Ram Setu: अक्षयचा ‘राम सेतू’ ठरणार ब्लॉकबस्टर? पहा नेटकरी काय म्हणतायत..

मुंबई- बॉलिवूडचा खिलाडी अर्थात अभिनेता अक्षय कुमारने (Akshay Kumar) चाहत्यांना दिवाळीनिमित्त मोठी भेट दिली आहे. अक्षयचा बहुचर्चित आणि बहुप्रतिक्षित ‘राम सेतू’ (Ram Setu) हा चित्रपट थिएटरमध्ये प्रदर्शित झाला आहे. हा चित्रपट पाहिलेले प्रेक्षक सोशल मीडियावर त्याचं भरभरून कौतुक करत आहेत. चित्रपट प्रदर्शित होण्यापूर्वी राम सेतूवरून बराच वाद निर्माण झाला होता. मात्र आता प्रदर्शनानंतर त्याला प्रेक्षकांकडून सकारात्मक प्रतिसाद मिळताना दिसतोय. राम सेतू हा दिवाळीचा (Diwali) परफेक्ट गिफ्ट असल्याची भावना चाहत्यांनी ट्विटरवर व्यक्त केली आहे.

चित्रपटातील अक्षयचा वेगळा लूक आणि त्याच्या दमदार अभिनयकौशल्याची चाहत्यांकडून स्तुती होतेय. त्याचप्रमाणे व्हीएफएक्स, पटकथा, क्लायमॅक्स या सर्व गोष्टींनी प्रेक्षक प्रभावित झाले आहेत. या चित्रपटाचं दिग्दर्शक अभिषेक शर्माने केलं आहे. दिवाळीच्या मुहूर्तावर हा चित्रपट प्रदर्शित करून सणाचा आनंद द्विगुणीत केल्याची भावना काही चाहत्यांनी व्यक्त केली आहे.

Watched #RamSetu FDFS in Melbourne #RamSetuReview: ⭐⭐⭐⭐ 4/5 Movie is adventure puzzle hunt to prove existence of Ram and Ram Setu. What comes across will emotionally shock us. #AkshayKumar is in Indiana Jones avatar full of energy.#Satyaraj is superb. Superhit Loading. pic.twitter.com/DAM34mhKMu

— Nitesh Naveen (@NiteshNaveenAus) October 25, 2022

राम सेतू या चित्रपटात अक्षय कुमारने पुरातत्व विशेषज्ञाची भूमिका साकारली आहे. अक्षयने या चित्रपटातून जबरदस्त कमबॅक केल्याचं दिसतंय. यामध्ये अक्षयसोबतच जॅकलिन फर्नांडिस आणि नुशरत भरूचा यांच्याही महत्त्वपूर्ण भूमिका आहेत.

One word Review #RamSetu AN ADVENTUROUS RELIGIOUS RIDE ⭐⭐⭐⭐ Best DIWALI Gift for Movie Lover after Long Time Superb Visual Effect and VFX#AkshayKumar still the Show Direction was Mind-Blowing, Supporting Actor Guy was Hilarious Hold your Breath you will not Disappoint 4 Sure pic.twitter.com/SNOdPPT7eV

— AyaanVlog (@AyaanVlogg) October 24, 2022

काही युजर्स या चित्रपटाला पाच पैकी चार स्टार देत आहेत. अक्षय आणि चित्रपटाच्या कथेचं जोरदार कौतुक ट्विटरवर होत आहे. एका नेटकऱ्याने राम सेतूला दिवाळीची सर्वोत्कृष्ट भेट असल्याचं म्हटलंय.

#RamSetu Review: Terrific Movie. Engaging & Gripping pacey thriller laced with the flavor of faith & science.. Got every content to be a good family entertainer & emotions, adventure & history theme which connects well. #AkshayKumar Fantastic Performance.

Rating: ⭐⭐⭐⭐1/2 pic.twitter.com/xSyUpsWTZz

— Vishwajit Patil (@_VishwajitPatil) October 25, 2022

राम सेतू या चित्रपटासोबतच अजय देवगण आणि सिद्धार्थ मल्होत्राचा थँक गॉड हा चित्रपट प्रदर्शित झाला आहे. बॉक्स ऑफिसवर दोन मोठ्या कलाकारांच्या चित्रपटांची टक्कर होत असल्याने कोणाची कमाई अधिक होणार हे पाहणं औत्सुक्याचं ठरणार आहे.