Anant Ambani Radhika Merchant Wedding : चांदीचं मंदिर, सोन्याची मूर्ती.. अनंत-राधिकाच्या लग्नाची पत्रिका पाहिलीत का ? फोटो व्हायरल
Anant-Radhika Wedding : अनंत अंबानी आणि राधिका मर्चंटच्या लग्नाची तयारी धडाक्यात सुरू असून त्यांच्या लग्नपत्रिकेची झलकही समोर आली आहे. लग्नापूर्वी अंबानी कुटुंबाने नातलगांच्या, मित्रांच्या घरी जाऊन निमंत्रण देण्यास सुरुवात केली आहे. काही दिवसापूर्वीच नीता अंबानी या आपल्या मुलाच्या लग्नाचे निमंत्रण बाबा विश्वनाथ यांना देण्यासाठी काशीत आल्या होत्या.
देशातील नामवंत व्यक्ती आणि आशियातील सर्वात श्रीमंत व्यक्ती असलेले मुकेश अंबानी हे नेहमीच चर्चेत असतात. त्यांचा धाकटा मुलगा अनंत अंबानी आणि राधिका मर्चंट यांचं पुढील महिन्यात लग्न होणार असून त्याची धूम-धडाक्यात तयारी सुरू आहे. त्यांच्या लग्नापूर्वी काही फंक्शन्स मार्च महिन्यात गुजरातमधील जामनगर येथे पार पडली. तर गेल्या महिन्यात 29 मे ते 1 जून रोजी इटली येथे क्रूझवरही अंबानी कुटुंबातर्फे मोठी पार्टी देण्यात आली. या सोहळ्यात अंबानी, मर्चंट कुटुंबासह सलमान खान, रणवीर सिंग, रणबीर कपूर, आलिया भट्ट अशा अनेक बॉलीवूड सेलिब्रिटींनी हजेरी लावली होती. एकंदरच अनंत-राधिकाचं लग्न खूप चर्चेत आहे.
येत्या 12 जुलै रोजी अनंत आणि राधिका यांचा विवाह पार पडणार असून देशभरातील नामवंत व्यक्ती, उद्योजक, सेलिब्रिटी या विवाहासाठी उपस्थित राहणार आहेत. त्याच दरम्यान अनंत-राधिकाच्या लग्नपत्रिकेची झलक समोर आली असून ती सोशल मीडियावर मोठ्या प्रमाणात व्हायरल झाली आहे. इन्स्टाग्रमावरही त्याचे बरेच व्हिडीओ व्हायरल झाले आहेत.
कशी आहे अनंत-राधिकाची लग्नपत्रिका ?
या लग्नपत्रिकेचा एक व्हिडीओ समोर आला असून तो व्हिडीओ सुरू होताच एक रेड कलरचा बॉक्स दिसतो. तो उघडल्यावर त्यात आतमध्ये एक चांदीचं मंदिर दिसतं. त्या मंदिरात हिंदू देव-देवतांच्या काही सोन्याच्या मूर्तीदेखील पाहायला मिळत आहेत. या लग्नाच्या आमंत्रणासोबत एक चांदीची पेटीही होती.
View this post on Instagram
अनंत अंबानी आणि राधिका मर्चंट यांच्या लग्नाची पत्रिका ही भक्ती आणि परंपरेचा मेळ असलेली आहे. या शेअर केलेल्या व्हिडिओमध्ये बॉक्स उघडताच चांदिचे मंदिर दिसते. या मंदिराच्या चार बाजूला चार देवांच्या मूर्ती विराजमान आहेत. तर दुसऱ्या एका बॉक्समध्ये लग्नपत्रिका असून त्यात विवाहाबद्दलची सर्व माहिती नमूद करण्यात आली आहे. बॉक्स उघडताच त्यातल्या एका डिझायनर कापडावर ‘अ’ आणि ‘र’ म्हणजेच अनंत आणि राधिका यांची नावं लिहून विवाहाची माहिती दिली आहे. अनंत अंबानी आणि राधिका मर्चंटच्या या लग्नपत्रिकेचा व्हिडीओ सोशल मीडियावर तुफान व्हायरल होतोय.युजर्सनी देखील या व्हिडीओवर तूफान कमेंट्स केल्या असून जोडप्याला शुभेच्छा दिल्या आहेत.
लग्नापूर्वी अंबानी कुटुंबाने नातलगांच्या, मित्रांच्या घरी जाऊन निमंत्रण देण्यास सुरुवात केली आहे. काही दिवसापूर्वीच नीता अंबानी आपल्या मुलाच्या लग्नाचे निमंत्रण बाबा विश्वनाथ यांना देण्यासाठी काशीत आल्या होत्या. त्यांचा तेथील व्हिडीओही व्हायरल झाला. आतापर्यंत अजय देवगण, अक्षय कुमार यांच्यासह अनेक सेलिब्रिटींना लग्नाचे निमंत्रण देण्यात आलं आहे.
