ॲनिमेशन स्टुडिओने ‘आदिपुरुष’च्या निर्मात्यांवर केला अत्यंत गंभीर आरोप

मुंबई : आदिपुरुष (Adipurush) चित्रपटाचे फर्स्ट लूक पोस्टर आणि टीजर 2 ऑक्टोबरला रिलीज झाले असून तेंव्हापासून आदिपुरुष चित्रपट नेटकऱ्यांच्या निशाण्यावर आहे. या चित्रपटाकडून प्रेक्षकांना प्रचंड अपेक्षा होत्या. मात्र, प्रेक्षकांच्या अपेक्षेवर आदिपुरुषचे टीजर (Teaser) न उतरल्याने मोठ्या प्रमाणात ट्रोल केले जातंय. आदिपुरुष चित्रपटातील काही सीन्स काहीही परिणामकारण नसल्याचे नेटिझन्सचे म्हणणे आहे. आता यानंतर हा चित्रपट (Movie) बाॅक्स ऑफिसवर नेमका काय धमाका करतो हे पाहण्यासारखे ठरणार आहे.

आदिपुरुष हा चित्रपट रिलीज होण्याच्या अगोदरच वादाच्या भोवऱ्यात अडकलाय. यामुळे बाॅक्स ऑफिसवर चित्रपट धमाका करणार की, नाही याबद्दल शंका उपस्थित केली जातंय. काही जणांनी चित्रपटावर मोठा आरोप करत म्हटले आहे की, हा टीजर गेम ऑफ थ्रोन्सवरून कॉपी करण्यात आलाय. यामुळे आता हा सर्व वाद वाढलाय.

आदिपुरुष चित्रपटाचा टीजर गेम ऑफ थ्रोन्सवरून कॉपी करण्यात आल्याच्या आरोपावरून खळबळ उडालीये. इतकेच नव्हे तर आता थेट एका ॲनिमेशन स्टुडिओने असा दावा केलाय की, आदिपुरुष चित्रपटाचे पोस्टर त्यांनी काम केलेल्या काॅफीचे चोरण्यात आले आहे. यामुळे आदिपुरुष चित्रपट रिलीज होण्याच्या अगोदरच वादात सापडलाय. आता याप्रकरणी आणि या आरोपानंतर आदिपुरुषचे निर्माते काय उत्तर देतात हे पाहण्यासारखे ठरणार आहे.