Naseeruddin Shah | ज्या कारणामुळे झाला ब्रेकअप, त्याच कारणामुळे नसीरुद्दीन शाहंना मिळाला पहिला चित्रपट!
अभिनेते नसीरुद्दीन शाह (Naseeruddin Shah) बॉलिवूडमधील दिग्गज कलाकारांपैकी एक आहे. त्यांनी वेळोवेळी दमदार पात्रे साकारून प्रेक्षकांसमोर आपली अभिनय क्षमता सिद्ध केली आहे. आजमितीला त्यांना कोणत्याही वेगळ्या ओळखीची आवड नाही.
मुंबई : अभिनेते नसीरुद्दीन शाह (Naseeruddin Shah) बॉलिवूडमधील दिग्गज कलाकारांपैकी एक आहे. त्यांनी वेळोवेळी दमदार पात्रे साकारून प्रेक्षकांसमोर आपली अभिनय क्षमता सिद्ध केली आहे. आजमितीला त्यांना कोणत्याही वेगळ्या ओळखीची आवड नाही. बर्याच वेळा ते आपल्या बेधडक वक्तव्यांमुळेही चर्चेत असतात. नसीरुद्दीन शाह यांनी चित्रपटात सकारात्मक आणि नकारात्मक अशा सर्व प्रकारची पात्र साकारली आहेत. त्यांच्या काही व्यक्तिरेखा तर लोकांच्या हृदयात कायमस्वरूपी स्थिरावल्या आहेत (Naseeruddin Shah got his first film for the same reason that caused the breakup).
त्यांच्या दमदार अभिनयामुळे अनेक वेळा त्याच्यासमोर हिरोची भूमिकाही हिकी पडते. त्यांच्या गाजलेल्या चित्रपटांमध्ये ‘मिर्च मसाला’, ‘स्पर्श’, ‘अल्बर्ट पिंटो को गुसा क्यूं आता है’, ‘जाने भी दो यारो’, ‘मोहरा’, ‘सरफरोश’, ‘ए वेडनेस डे’ यांचा समावेश आहे.
पहिल्या चित्रपटाशी संबंधित रंजक किस्सा
उत्कृष्ट अभिनय योगदानाबद्दल नसीरुद्दीन शाह यांना पद्मश्री आणि पद्मभूषण अशा पुरस्कारांनी गौरवण्यात आले आहे. याशिवाय त्यांना राष्ट्रीय पुरस्कारानेही गौरवण्यात आले आहे. 1975मध्ये श्याम बेनेगल यांच्या ‘निशांत’ या चित्रपटापासून त्यांनी आपल्या फिल्मी करिअरची सुरुवात केली. त्यांच्या वैयक्तिक आयुष्यातील एक किस्सा नसीरच्या पहिल्या चित्रपटाशी संबंधित आहे, जो कदाचित त्यांच्या चाहत्यांना माहित नसेल. जयपूर साहित्य महोत्सवात त्यांनी आपल्या पहिल्या चित्रपटाशी संबंधित हा रंजक किस्सा कथन केला होता.
नसीरुद्दीन शाह म्हणतात की, ते कधीच दिसायला देखणे असे वाटले नाहीत. बॉलिवूडमध्ये हिरो होण्यासाठी हिरोसारखे दिसणे आवश्यक आहे. जो दिसायला चांगला आहे आणि ज्याचा डोले-शोले मुलींना त्याच्या प्रेमात पडतील अशा हिरोंची चालती होती. परंतु, नसीरुद्दीन शाह यांच्यामध्ये हे गुण कधीच नव्हते. अशा परिस्थितीत, एक दिवस त्यांच्या मैत्रिणीने त्यांना असे सांगितले की, ते एखाद्या बॉलिवूड चित्रपटांतील नायकासारखे देखणे नाहीत. ,म्हणूनच त्यांचा ब्रेकअप झाला. नसीरुद्दीन शाह यांनी सांगितले की, ते दिसायला सुंदर नसल्यामुळेच त्यांना श्याम बेनेगलच्या चित्रपटात ब्रेक मिळाला होता.
श्याम बेनेगल यांच्या चित्रपटाचे नायक!
खरं तर, श्याम बेनेगल यांना त्यांच्या चित्रपटाच्या नायकासाठी इच्छित असलेल्या लूकमध्ये नसीरुद्दीन शाह उत्तम प्रकारे फिट होत होते. जरी त्यांच्या प्रेयसीने केवळ लूकमुळे त्यांना सोडले होते. परंतु, याच कारणास्तव नसीरुद्दीन शाहंना त्यांचा पहिला चित्रपट मिळाला. नसीरुद्दीन शाह यांच्या वैयक्तिक आयुष्याची कहाणीही एखाद्या चित्रपटाच्या कथेसारखीच आहे राहिली.
15 वर्षांनी मोठ्या परवीनशी लग्न
नसीरुद्दीन शाह यांनी त्यांच्यापेक्षा सुमारे 15 वर्षांनी मोठी असलेल्या परवीन मुरादशी लग्न केलेव होते. त्यांच्या लग्नामुळे त्यांच्या कुटुंबातील सदस्यांना खूप राग आला होता. लग्नाच्या एका वर्षानंतर त्यांची मुलगी हिबा शाह हिचा जन्म झाला होता.
नसीरुद्दीन यांचे परवीनवर खूप प्रेम होते, पण लग्नानंतर दोघांमध्ये भांडण सुरू झाले. त्यानंतर दोघांनी विभक्त होण्याचा निर्णय घेतला. या सर्व त्रासांना बाजूला ठेवून नसीरुद्दीन शाह नॅशनल स्कूल ऑफ ड्रामामध्ये दाखल झाले आणि चित्रपटांच्या जगात मग्न झाले.
रत्ना पाठकशी भेट
ड्रामा करत असताना नसीरुद्दीन यांची भेट रत्ना पाठक यांच्याशी झाली. दोघांची भेट पहिल्यांदा एका नाटकासाठी झाली होती. सत्यदेव दुबे दिग्दर्शित ‘संभोग से सन्यास तक’ असे या नाटकाचे नाव होते. रत्ना पाठक नसीरपेक्षा 13 वर्षांनी लहान आहेत, परंतु प्रेमाला कुठे वय असते…त्यावेळी नसीरुद्दीन परवीनपासून विभक्त झाले होते, परंतु त्यांनी घटस्फोट घेतला नव्हता. म्हणूनच, सुरुवातीला त्यांनी रत्नाशी लग्न केले नाही तर लिव्ह-इनमध्ये राहायला सुरुवात केली. यानंतर 1 एप्रिल 1982 रोजी दोघांनी रत्नाच्या आईची घरी लग्न केले.
(Naseeruddin Shah got his first film for the same reason that caused the breakup)
हेही वाचा :
बाळासाहेब ठाकरेंच्या नातवासोबत अफेअर आहे का? पूजा बेदीची मुलगी म्हणते, “आम्ही तर…”
