असे काय घडले की, सलमान खान चक्क बाॅलिवूड सोडून जातोय….

गेल्या काही दिवसांपासून बाॅलिवूडचे चित्रपट बाॅक्स आॅफिसवर काही खास कमाल करू शकत नाहीयेत. इतकेच नाहीतर प्रेक्षक बाॅलिवूड चित्रपटांवर बहिष्कार देखील टाकत आहेत.

असे काय घडले की, सलमान खान चक्क बाॅलिवूड सोडून जातोय....
शितल मुंडे, टीव्ही 9 मराठी डिजीटल

|

Oct 02, 2022 | 11:45 AM

मुंबई : सलमान खान (Salman Khan) आणि चिरंजीवीचा गॉड फादर हा चित्रपट दसऱ्याच्या दिवशी म्हणजेच 5 ऑक्टोबरला प्रेक्षकांच्या भेटीला येतोय. सलमान खानने गॉड फादर (Godfather) या चित्रपटात कॅमिओ केलाय. थोडक्यात काय तर सलमानने साऊथ सिनेमात पदार्पण केले म्हटले तर वावगे नक्कीच ठरणार नाही. काही दिवसांपूर्वीच गॉड फादर चित्रपटाचे टीझर (Teaser) रिलीज झालंय. या टीझरमध्ये सलमान खान आणि चिरंजीवी एकदम जबरदस्त अशा अॅक्शन मोडवर दिसत आहेत. गॉड फादर चित्रपटाच्या माध्यमातून सलमान खान साऊथमध्ये छाप सोडण्यास सज्ज आहे.

नुकताच झालेल्या एका कार्यक्रमात सलमान खानने अत्यंत मोठे विधान करून चर्चांना पेव फोडले आहे. सलमान खानने बोलताना चक्क टॉलीवूड चित्रपटांमध्ये काम करण्याची इच्छा व्यक्त करून टाकलीये. गेल्या काही दिवसांपासून बाॅलिवूडचे चित्रपट बाॅक्स ऑफिसवर काही खास कमाल करू शकत नाहीयेत. इतकेच नाहीतर प्रेक्षक बाॅलिवूड चित्रपटांवर बहिष्कार देखील टाकत आहेत. यामध्ये सलमानने टॉलीवूड चित्रपटांमध्ये काम करण्याची इच्छा व्यक्त केल्याने चर्चांना उधाण आलंय.

बाॅलिवूडच्या चित्रपटांपेक्षा आता सलमान खानला साऊथच्या चित्रपटामध्ये जास्त रस असल्याचे दिसून येतंय. गॉड फादरला मिळत असलेला प्रतिसाद पाहून सलमान खान भारावून गेलाय. त्यामुळे सलमान खानने टॉलीवूड चित्रपटांमध्ये काम करण्याची इच्छा व्यक्त केल्याचे बोलले जातंय. यावेळी बोलताना सलमानने हेही म्हटले आहे की, काही लोकांना हाॅलिवूडमध्ये जायचे आहे…पण मला टॉलीवूडमध्ये यायचे आहे…

कोरोनाच्या काळानंतर बाॅक्स ऑफिसवर बाॅलिवूडचे चित्रपट फेल जात आहेत. जे चित्रपट बनवण्यासाठी 500 कोटी खर्च करण्यात आले. अशा चित्रपटांना बाॅक्स ऑफिसवर 300 कोटींचा आकडा देखील पार करता येत नाहीये. यामुळे बाॅलिवूडमध्ये चिंतेचे वातावरण आहे. आमिर खान, अक्षय कुमार यांच्यासारख्या स्टारचे चित्रपट बाॅक्स ऑफिसवर कमाई करू शकले नाहीयेत. त्या तुलनेत बाॅक्स ऑफिसवर साऊथचे चित्रपट जोरदार कमाई करत आहेत. यामुळेच अनेकांनी आपले पाय आता साऊथकडे वळल्याचे दिसतंय.

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें