रणवीर सिंह एका चित्रपटासाठी किती फी घेतो? धुरंधरसाठी घेतलेले इतके कोटी मानधन

Ranveer Singh : रणवीर सिंह स्टारर धुरंधर फ्रँचायझीने बॉक्स ऑफिसवर अक्षरशः धुमाकूळ घातला आहे. दिग्दर्शक आदित्य धर यांच्या या अॅक्शन फ्रँचायझीने भारतासह जगभरात विक्रमी कमाई करत 3 हजार कोटी रुपयांचा टप्पा पार केला आहे. विशेष म्हणजे या चित्रपटांमुळे रणवीर सिंहच्या करिअरलाही नवी उंची मिळाली आहे.

‘धुरंधर’चा पहिला भाग डिसेंबर 2025 मध्ये प्रदर्शित झाला होता. चित्रपटाला प्रेक्षकांचा जबरदस्त प्रतिसाद मिळाला आणि त्याने बॉक्स ऑफिसवर इतिहास रचला. त्यानंतर अवघ्या दोन महिन्यांत, 19 मार्च 2026 रोजी Dhurandhar 2 थिएटरमध्ये रिलीज झाला. दुसऱ्या भागाने तर पहिल्या चित्रपटापेक्षाही मोठे यश मिळवत अनेक विक्रम मोडले. हा चित्रपट बॉलिवूडमधील सर्वाधिक कमाई करणाऱ्या चित्रपटांपैकी एक ठरला आहे.

रणवीर सिंहने घेतली किती फी?

मीडिया रिपोर्ट्सनुसार, ‘धुरंधर’ फ्रँचायझीचे दोन्ही भाग एकाचवेळी शूट करण्यात आले होते. सुरुवातीला हा एकच चित्रपट म्हणून रिलीज होणार होता, मात्र नंतर निर्मात्यांनी त्याचे दोन भाग केले. या फ्रँचायझीसाठी रणवीरने तब्बल 50 कोटी रुपयांची फी घेतल्याचे सांगितले जात आहे. त्यामुळे तो या फ्रँचायझीतील सर्वाधिक मानधन घेणारा अभिनेता ठरला आहे.

चित्रपटात रणवीरने जासूस हमजा अली मजारी आणि जसकिरत सिंह रंगी या दमदार भूमिका साकारल्या आहेत. त्याच्या अॅक्शन आणि इमोशनल अभिनयाचे प्रेक्षकांनी भरभरून कौतुक केले.

‘धुरंधर’ फ्रँचायझीचे बॉक्स ऑफिस कलेक्शन

रिपोर्ट्सनुसार, Dhurandhar ने भारतात पहिल्याच दिवशी मोठ्या प्रमाणात कमाई केली होती. जगभरात चित्रपटाने तब्बल 1307.35 कोटी रुपयांची कमाई केली. दुसरीकडे, Dhurandhar 2 ने रिलीजच्या 68 दिवसांत भारतात 1147.70 कोटी रुपयांचे नेट कलेक्शन केले आहे. जागतिक स्तरावर या चित्रपटाने 1800.23 कोटी रुपयांची कमाई केली असून, तो अजूनही अनेक थिएटरमध्ये सुरू आहे. या दोन्ही चित्रपटांचे एकत्रित कलेक्शन आता 3100 कोटी रुपयांपेक्षा अधिक झाले आहे.

‘धुरंधर’ फ्रँचायझीच्या यशानंतर रणवीर सिंह पुन्हा एकदा बॉलिवूडमधील सर्वात मोठ्या स्टार्सपैकी एक मानला जात आहे. अॅक्शन, स्टाईल आणि दमदार स्क्रीन प्रेझेन्समुळे त्याची लोकप्रियता आणखी वाढली आहे.