राजेश खन्ना यांचा लहान जावई आहे गडगंज श्रीमंत; करोडोंची संपत्ती, अक्षय कुमारलाही टक्कर

बॉलिवूडमध्ये सेलिब्रिटींच्या संपत्तीची चर्चा तर होतच असते. त्यात सुपरस्टार राजेश खन्ना, उर्फ ‘काका’ यांचाही उल्लेख येतो. राजेश खन्ना यांनी त्यांच्या काळात एकापेक्षा एक सुपरहीट चित्रपट दिले. त्यांचे चित्रपट, गाणी, ते त्यांच्या लूकपर्यंत सर्वच त्यांचे चाहते होते. त्यांनी खऱ्या अर्थाने एक रॉयल आयुष्य जगलं आहे. ते आजही अवघ्या इंडस्ट्रीसाठी प्रेरणादायक आहे. त्यांच्या चित्रपटांसोबतच वैयक्तिक आयुष्याबद्दलही तेवढीच चर्चा केली जाते. त्यांचे किस्से आजही कित्येक कलाकार सांगताना दिसतात.

एवढंच नाही तर राजेश खन्ना यांची लव्हलाईफही तेवढीच चर्चेत राहिली. त्यांचे लग्न अभिनेत्री डिंपल कपाडियाशी झाले तेव्हाही त्यांच्यातील वयाच्या अंतरावरून बरीच चर्चा रंगली होती. दरम्यान त्यांना ट्विंकल आणि रिंकी या दोन मुली देखील आहेत.

राजेश खन्नाचे लहान जावई काय करतात?  

ट्विंकल खन्ना आज लेखिका, प्रोड्यूसर आणि सोशल मीडियावर ॲक्टिव्ह असणाऱ्या सेलिब्रिटींपैकी एक आहे. तिचं अभिनेता अक्षय कुमारशी लग्न झालं आणि तो ‘सुपरस्टार कुटुंबाचा जावई’ ठरला. पण राजेश खन्नाच्या दुसऱ्या जावयाबद्दल फार कमी लोकांना माहिती आहे तो म्हणजे समीर सरन.

समीर सरन रिंकी खन्नाचे पती आहेत. बॉलिवूडपासून ते कोसो दूर असले तरी ते व्यवसायाच्या दुनियेत मात्र त्यांचं नाव प्रचंड आदराने घेतलं जातं. त्यांना खूप मानलं जातं. इतकंच नव्हे, तर त्यांची कमाई अक्षय कुमारच्या कमाईला टक्कर देणारी आहे. पण या गोष्टी फारशा चर्चेत येत नाहीत. 1999 साली रिंकीने ‘प्यार में कभी कभी’ या चित्रपटातून बॉलिवूडमध्ये पदार्पण केलं. मात्र हा चित्रपट आणि त्यानंतरचे तिचे काही चित्रपट म्हणावे तसे चालले नाहीत .एकामागून एक फ्लॉप सिनेमांनंतर, रिंकीने अभिनयाच्या क्षेत्रातून माघार घेतली.

Rajesh Khanna son-in-law

समीर सरन आहेत मोठे बिझनेसमन 

2002 मध्ये दिलेल्या एका मुलाखतीत रिंकीने सांगितलं होतं की, डिझायनर अबू जानी आणि संदीप खोसला यांच्या ओळखीतून ती समीर सरन यांना भेटली. त्यांच्यात आधी मैत्री झाली आणि नंतर ती मैत्री प्रेमात बदलली. 2003 मध्ये दोघांनी लग्न केलं. त्यानंतर रिंकी लंडनमध्ये स्थायिक झाली आणि ग्लॅमरच्या दुनियेपासून कायमची दूर गेली.

लंडनमध्ये मोठ्या प्रमाणात व्यवसायाचा विस्तार

समीर सरन मूळचे कोलकात्याचे असून, भारतात अनेक शहरांमध्ये शाखा असलेल्या रिअल इस्टेट कंपनीचे पार्टनर होते. मुंबई, गोवा, कोलकाता आणि बंगळुरु यांसारख्या शहरांमध्ये त्यांचा व्यवसाय होता. आता ते लंडनमध्ये मोठ्या प्रमाणात त्यांचा व्यवसायाचा विस्तार आहे. त्यांची अंदाजे नेटवर्थ सुमारे 250 कोटीपेक्षाही जास्त असल्याचं म्हटलं जातं.

अक्षय कुमारचं बॉक्स ऑफिसवर स्वतःची अशी एक वेगळी ओळख निर्माण केली असली तरी समीर सरन यांनी त्यांच्या क्षेत्रात मोठं नाव कमावलं आहे. राजेश खन्ना यांच्या कुटुंबातील तेही एक यशस्वी आणि संपन्न व्यक्तिमत्त्व आहेत, जे आजवर फारसं कुणाच्या नजरेस आ़ले नाही. रिंकी आणि समीरचं आयुष्य लंडनमध्ये आनंदात सुरू आहे.