Urfi Javed Net Worth: वादग्रस्त फॅशन इन्फ्लुएंसर उर्फी जावेद किती श्रीमंत आहे? जाणून घ्या तिची एकूण संपत्ती
अनोख्या फॅशन सेन्समुळे आणि सतत चर्चेत राहणाऱ्या उर्फी जावेदने कमी वेळात खूप मोठं नाव कमावलं आहे. तिच्या संपत्तीबद्दल तुम्हाला माहिती आहे का? तिच्या करिअरची सुरुवात कशी झाली आणि आज ती किती कमवते, याचा आढावा घेतलेलला हा लेख एकदा पुर्ण वाचा.
फॅशन आणि वाद हे जणू उर्फी जावेदच्या नावाशीच जोडले गेले आहेत. अतरंगी पोशाख, निडर वक्तव्यं आणि सोशल मीडियावर सतत चर्चेत राहणारी ही तरुणी केवळ फॅशनसाठीच नाही, तर तिच्या अफाट कमाईसाठीही ओळखली जाते. सोशल मीडिया इन्फ्लुएंसरपासून टेलिव्हिजन अभिनेत्री ते कॉस्मेटिक ट्रान्सपरन्सीपर्यंतचा तिचा प्रवास वाखाणण्याजोगा आहे.
उर्फी जावेदचा जन्म उत्तर प्रदेशच्या लखनऊ शहरात एका पारंपरिक मुस्लिम कुटुंबात झाला. तिचे शालेय शिक्षण ‘सिटी मॉन्टेसरी स्कूल’मध्ये झाले, तर तिने ‘एमिटी युनिव्हर्सिटी, लखनऊ’ येथून मास कम्युनिकेशनमध्ये पदवी घेतली. घरातील रूढीवादी वातावरण असूनही, उर्फीचे स्वप्न होते मोठ्या शहरात नाव कमवण्याचं. हेच स्वप्न तिला मुंबईकडे घेऊन आलं आणि इथेच तिने अभिनय, मॉडेलिंग आणि फॅशन इंडस्ट्रीत आपलं वेगळं स्थान निर्माण केलं.
करिअरची सुरुवात आणि लोकप्रियता:
करिअरच्या सुरुवातीला उर्फीने छोटे-मोठे मॉडेलिंग प्रोजेक्ट्स आणि काही टीव्ही मालिकांमधून प्रवेश केला. तिला खरी ओळख मिळाली ती ‘बडे भैया की दुल्हनिया’ या मालिकेतील ‘अवनी पंत’ या भूमिकेमुळे. त्यानंतर ‘ये रिश्ता क्या कहलाता है’, ‘कसौटी जिंदगी की’, ‘पंच बीट’, ‘मेरे हमसफर’ अशा अनेक मालिकांमध्ये तिने अभिनय केला. पण खरी प्रसिद्धी तिला मिळाली ‘बिग बॉस ओटीटी सीझन 1’मधून, जिथे तिच्या अनोख्या फॅशन स्टाईल आणि बेधडक स्वभावामुळे ती देशभर चर्चेत आली.
नेट वर्थ आणि उत्पन्नाचे स्रोत:
टाइम्स नाऊच्या रिपोर्टनुसार, उर्फी जावेदची एकूण संपत्ती सुमारे ₹173 कोटी आहे. तिचा प्रमुख उत्पन्न स्रोत म्हणजे ब्रँड प्रमोशन्स, सोशल मीडिया कंटेंट, फॅशन मॉडलिंग आणि टीव्ही-माध्यमांवरील उपस्थिती. इन्स्टाग्रामवर तिचे 5.3 दशलक्षांहून अधिक फॉलोअर्स आहेत. ती वारंवार स्पॉन्सर्ड पोस्ट्स, ब्रँड कोलॅबोरेशन्स आणि व्हायरल फॅशन व्हिडिओ शेअर करत असते. त्यामुळे ती भारतातील सर्वाधिक कमाई करणाऱ्या डिजिटल इन्फ्लुएंसर्सपैकी एक बनली आहे.
कॉस्मेटिक प्रक्रियेबाबत प्रामाणिकपणा:
अलीकडेच उर्फीने इन्स्टाग्रामवर एक व्हिडिओ शेअर केला ज्यामध्ये तिने तिचे लिप फिलर्स काढून टाकल्याचा अनुभव शेअर केला. तिने म्हटलं, “हे फिल्टर नाही. मी माझे फिलर्स काढून टाकले कारण ते चुकीच्या पद्धतीने लावले गेले होते.” या प्रक्रियेमुळे तिचं चेहरं सूजले आणि अस्वस्थताही झाली. मात्र, ती म्हणते की ती फिलर्सच्या विरोधात नाही, पण यावेळी ती अधिक नैसर्गिक पद्धतीने ती प्रक्रिया करणार आहे.
एक स्व-निर्मित ब्रँड:
उर्फी जावेद ही केवळ एक ट्रेंडसेटर नाही, तर एक सेल्फ-मेड स्टार आहे. अभिनय, फॅशन, सोशल मीडिया अशा तिन्ही क्षेत्रात तिने आपल्या मेहनतीने आणि प्रामाणिकपणाने स्वतःचं ब्रँड निर्माण केलं. लखनऊच्या शाळेपासून मुंबईच्या ग्लॅमरपर्यंतचा तिचा प्रवास प्रत्येक तरुण-तरुणीला प्रेरणा देणारा आहे.
आज उर्फी जावेद हे नाव फक्त फॅशनपुरतं मर्यादित नाही, तर तिचा ब्रँड, तिचा दृष्टीकोन आणि तिची पारदर्शकता यामुळे ती एक सशक्त महिला प्रभावक म्हणून ओळखली जाते आणि हीच तिच्या यशाची खरी गुरुकिल्ली आहे.
