अमेरिका चर्चेसाठी चेकाळला, इराणच्या मनात मात्र वेगळंच…होर्मुझमध्ये घनघोर युद्ध होणार?

America Iran War :  सध्याचे युद्ध संपवण्यासाठी इराण आणि अमेरिका यांच्यात चर्चेची पहिली फेरी निष्फळ ठरली आहे. दोन्ही देशांत झालेल्या तात्पुरत्या युद्धविरामाची मुदत बुधवारी म्हणजेच 22 एप्रिल रोजी संपत आहे. त्यामुळे आता चर्चेची दुसरी फेरी न झाल्यास युद्ध पुन्हा भडकण्याची शक्यता व्यक्त केली जात आहे. विशेष म्हणजे सध्या दोन्ही देशांची भूमिका पाहता युद्ध पुन्हा सुरु होण्याची दाट शक्यता व्यक्त केली जात आहे. दरम्यान, एकीकडे चर्चेच्या दुसऱ्या फेरीसाठी प्रयत्न केला जात असताना आता मोठी माहिती समोर आली आहे. इराणने अजूनही इस्लामाबादमध्ये दोन्ही देशांचे प्रतिनिधी पोहोचलेले नाहीत.

नेमकं काय घडतंय?

पाकिस्तानच्या इस्लामाबादमध्ये अमेरिका आणि इराण यांच्या प्रतिनिधी मंडळाची चर्चा घडवून आणण्यासाठी प्रयत्न केला जात आहे. त्यासाठी पाकिस्तान दोन्ही देशांशी सातत्याने चर्चा करत आहे. अमेरिकेने चर्चेच्या दुसऱ्या फेरीसाठी उघडपणे तयार असल्याचे सांगितले आहे. परंतु इराणच्या भूमिकेबाबत संभ्रण आहे. सूत्रांच्या माहितीनुसार अजूनही इराणने आपला कोणताही प्रतिनिधी इस्लामाबदला पाठवलेला नाही. इराणी संसदेचे अध्यक्ष तथा या चर्चेसाठीचे इराणचे प्रमुख नेते कालिबाफ हे अजूनही इराणमध्येच आहेत. इराणचे परराष्ट्रमंत्री अब्बास अरागची हेदेखील इराणमध्येच आहेत. इतर कोणतीही टीम अद्याप इराणमध्ये पाठवण्यात आलेली नाही.

अमेरिकेची काय भूमिका?

दुसरीकडे अमेरिका मात्र चर्चेच्या दुसऱ्या फेरीसाठी तयार आहे. त्यासाठी अमेरिकेचे उपराष्ट्राध्यक्ष जे डी व्हेन्स हे इस्लामाबादमध्ये जाणा आहेत. बुधवारी दुपारपर्यंत ते इस्लामाबादमध्ये पोहोचतील. त्यामुळे इराण-अमेरिकेत बुधवारी चर्चा होऊ शकते.

तर युद्धाचा भडका उडणार

दरम्यान, बुधवारी शस्त्रसंधीची मुदत संपणार आहे. दोन्ही देशांत बुधवारी चर्चा घडवून न आल्यास आणि अमेरिकेच्या अटी इराणने मान्य न केल्यास भविष्यात मोठं युद्ध भडकण्याची शक्यता आहे. त्यामुळे आता नेमकं काय होणार, हे पाहणे महत्त्वाचे ठरणार आहे.