X Down: संपूर्ण जग अर्धातास थांबलं, ट्विटर बंद पडलं अन…, नेमकं काय घडलं?
सोमवारी भारतात सोशल मीडिया प्लॅटफॉर्म X (ट्विटर) सेवा अचानक ठप्प पडली. सायंकाळी ७ वाजल्यानंतर देखील युजर्सना होमपेज लोड करण्यात अडचणी आल्या.
X Down: सोमवार सायंकाळी सोशल मीडिया प्लॅटफॉर्म एक्स हाताळणाऱ्या पदरी निराशा पडली. कारण त्यांनी जगाची खबरबात घेण्यासाठी हे आपले आवडते एप ‘X’ (आधीचे ट्विटर) उघडले तर त्यांना रिकामी स्क्रीन पाहून नैराश्य आले. १६ फेब्रुवारी २०२६ च्या सायंकाळी अचानक भारतात X.com च्या सेवा ठप्प झाली. हजारो युजर्सना कळेना की त्यांचे नेट बंद आहे की एक्स बंद पडलेय.सायंकाळी सात वाजण्याच्या सुमारास युजर्सना टाईमलाईन रिफ्रेश करताना अडचणींचा सामना करावा लागला.
Downdetector तक्रारींचा पूर
आऊटेजला ट्रॅक करणारी वेबसाईट ‘Downdetector’ च्या आकड्यांवरुन कळते की ही समस्या काही छोटी नव्हती. वेबसाईटवर जारी केलेल्या ग्राफ नुसार सायं.७ वाजल्याच्या आसपास तक्रारींचा एक मोठा स्पाईक पाहायला मिळाला. मिळालेल्या माहितीनुसार सायंकाळी ७.०२ वाजल्यापासून ३,००० हून अधिक लोकांनी रिपोर्ट केले होते की त्यांना एक्स वापरण्यात अडचणी येत आहेत. हा आकडा केवळ त्या लोकांचा आहे ज्यांनी प्रत्यक्षात तक्रार दाखल केली आहे.मात्र, ज्यांना प्रत्यक्षात अडचणींचा सामना जास्त करावा लागला आहे त्यांची संख्या मोठी आहे. ग्राफमध्ये लाल रंगाची मोठी रेष सांगण्यासाठी पुरेशी आहे की हा एक मोठा सर्व्हर साईड इश्यू असू शकतो.
होमपेज गायब, टाईमलाईन झाली ब्लँक
ही समस्या केवळ मोबाईल ऐप पर्यंत मर्यादित नव्हती तर डेस्कटॉप व्हर्जनवरही हेच हाल होते. युजर्स रिपोर्ट करत होते की ते X.com उघडत असतानाच त्यांच्यासमोर एक संपूर्णपणे रिकामी स्क्रीन येत होती. आणि नंतर जुनाच फीड दिसत होता. नवीन कटेन्ट लोड होत नव्हता.
समस्या काय ?
या आऊटेजच्या मागे नक्की काय तांत्रिक कारण आहे हे समजू शकले नाही. कंपनीने यासंदर्भात काही स्पष्टीकरण जारी केलेले नाही. परंतू तासाभरानंतर पुन्हा एक्स अकाऊंट सक्रीय झाल्याचे पाहायला मिळाल्याने युजर्सने सुटकेचा नि:श्वास सोडला.
