रायगड जिल्ह्यातील कोरोनाबाधितांचा आकडा 459 वर, 24 तासात 32 पॉझिटिव्ह, कुठे किती रुग्ण?

रायगड जिल्ह्यातील कोरोनाबाधितांचा आकडा 459 वर पोहोचला आहे. तर 131 रुग्ण उपचारानंतर बरे झाले (Raigad district Corona Cases) आहेत.

Namrata Patil | Updated on: May 16, 2020 | 8:07 PM

रायगड : महाराष्ट्रात कोरोनाबाधितांचा आकडा 30 हजारच्या उंबरठ्यावर येऊन (Raigad district Corona Cases) पोहोचला आहे. रायगड जिल्ह्यात गेल्या 24 तासात 32 नवे पॉझिटिव्ह रुग्ण आढळले आहेत. तर दोन रुग्णांचा मृत्यू झाला आहे. त्यामुळे रायगड जिल्ह्यातील कोरोनाबाधितांचा आकडा 459 वर पोहोचला आहे. तर 131 रुग्ण उपचारानंतर बरे झाले आहेत.

रायगड जिल्ह्यातील कोरोनाबाधितांची संख्या 459 वर पोहोचली (Raigad district Corona Cases) आहे. आज राज्यात 32 नवे रुग्ण आढळले आहेत. यातील सर्वाधिक 15 रुग्ण हे पनवेल महापालिका क्षेत्रात आढळले आहेत. त्यापाठोपाठ पनवेल ग्रामीण क्षेत्र 12, उरण 3, अलिबाग 1, मुरुड 1 असे एकूण ३२ रुग्ण आढळले आहेत. तर आज खालापूर आणि मुरुड या ठिकाणी प्रत्येकी एक मृत्यू झाले आहेत.

कोरोनाच्या पार्श्वभूमीवर जाहीर झालेल्या लॉकडाऊनमुळे अडकलेले मजूर आणि अन्य नोकरदार वर्गाचा गावी जाण्यासाठी संघर्ष सुरू आहे. मुंबईहून चालत निघालेल्या एका चाकरमान्याचा पेण तालुक्यातील जिते गावाजवळ मृत्यू झाला. मुंबई-गोवा महामार्गावर लॉकडाऊनपर्यंत अशाप्रकारच्या तीन घटना घडल्या आहेत. मोतीराम जाधव (43) असे मृत व्यक्तीचे नाव आहे. ते कांदिवली येथून श्रीवर्धनकडे कुटुंबासोबत स्वत:च्या गावाकडे निघाले होते.

कोरोनावर मात करून बरे झालेल्यांची संख्या 131 वर पोहोचली आहे. सद्यस्थितीत पॉसिटीव्ह असलेल्या आणि उपचार सुरु असलेल्या रुग्णांची संख्या 314 इतकी आहे.

रायगड जिल्ह्यात कुठे किती रुग्ण?

ठिकाणी – रुग्ण ( कंसात मृत्यू)