लेणी पाहण्यासाठी मामा-भाचे आले, सप्तकुंड धबधब्यात तरुण पडल्यानंतर असा सुरू झाला थरार

औरंगाबाद : पावसाळी पर्यटनासाठी पर्यटक चांगली ठिकाणं शोधत आहेत. पाऊस मोठ्या प्रमाणात असल्याने पावसाचा आनंद घेण्याचा विचार करत आहेत. धोका लक्षात घेता प्रशासनाने काही ठिकाणी पर्यटनावर बंदी आणली. त्यालाही पर्यटक जुमानताना दिसत नाही. जगप्रसिद्ध अजिंठा लेणी पर्यटनासाठी गेलेल्या सतावीस वर्षीच तरुणांचा पाय घसल्याने सप्तकुंड धबधब्यात पडला. या ठिकाणी असलेल्या अनिल रावळ्कर याच्या लक्षात आल्यावर अजिंठा लेणीतील सुरक्षा रक्षक आणि पोलिसांना संपर्क केला. तात्काळ शर्यतीचे प्रयत्न करून तरुणांला वाचवण्यात यश आले.

सप्तकुंड धबधबा धो धो कोसळतो

अजिंठा लेणी परिसरात गेल्या चार ते पाच दिवसांपासून पाऊस पडत आहे. सप्तकुंड धबधबा धो धो कोसळत आहे. आजही पाऊस सुरू असल्याने निसर्गरम्य वातावरण आणि लेणी पाहण्यासाठी सोयगाव तालुक्यातील नांदा तांडा येथील मामा आणि भाचे लेणीत आले होते.

सेल्फीच्या नादात पडला सप्तकुंडात

दुपारी २ वाजताच्या सुमारास गोपाल पुंडलीक चव्हाण आणि त्याचा भाचा लेणीच्या वरील सप्तकुंड धबधबा पाहण्यासाठी गेले होते. तेवढ्यात सेल्फीच्या नादात त्याचा पाय घसरल्यामुळे तो सप्तकुंडात पडला.

सहस्त्रकुंड धबधब्याचा रुद्र अवतार

नांदेडमध्ये पैनगंगा नदीला पूर आल्याने सहस्त्रकुंड धबधब्याचा रुद्र अवतार पाहायला मिळतोय. शेकडो फूट उंचीवरून कोसळणारा हा धबधबा पाहण्यासाठी पर्यटकांनी आज प्रचंड गर्दी केली. रविवारच्या सुट्टीमुळे दिवसभर सहस्त्रकुंड धबधब्यावर पर्यटकांच्या रांगा लागल्याचे चित्र दिसलय. धबधब्याचे अक्राळविक्राळ रूप नजरेत साठवण्यासाठी पर्यटकांनी इथे गर्दी केली.

चिपळूणमधील सवतसडा धबधब्यावर पर्यटकांची गर्दी

रविवारी सुटी असल्याने चिपळूणमधील सवतसडा धबधब्यावर दुपारनंतर पर्यटकांची गर्दी सुरू झाली. चिमुकल्यांसह पर्यटकांनी धबधब्याच्या पाण्यात मौज मस्ती केली. रविवारी सुटी असल्यामुळे पर्यटन बहरले.