ते तर पंतप्रधान पदाचे उमेदवार, पण…उद्धव ठाकरेंना गिरीश महाजनांचा खोचक टोला

महाराष्ट्र बंदची हाक दिल्यानंतर हायकोर्टाच्या निकालानंतर आता राज्यात वातावरण तापले आहे. महाविकास आघाडी महायुतीवर कुरघोडीच्या तयारीत आहे. दोन्ही गटात शा‍ब्दिक धुमश्चक्री उडाली आहे. मंत्री गिरीश महाजन यांनी या सर्व प्रकारावरुन उद्धव ठाकरे यांना खोचक टोला लगावला आहे. माध्यमांशी बोलताना त्यांनी महाविकास आघाडी आणि उद्धव ठाकरे यांना मुख्यमंत्री पदावरुन चिमटा काढला आहे.

त्यांना तर खुर्चीवर बसण्याची घाई

उद्धव ठाकरे तर पंतप्रधान पदासाठी सुद्धा उमेदवार होते. आता तिकडे पद रिकामे झाल्याने म्हणून मुख्यमंत्री पदासाठी समोर आले. उद्धव ठाकरे यांना तर कोणत्या न कोणता खुर्चीवर बसण्याची घाई झाली आहे. भाजपचे मंत्री गिरीश महाजन यांनी उद्धव ठाकरे यांना असा खोचक टोला लगावला आहे.

महाविकास आघाडीत बिघाडी

तिघांमध्ये, महाविकास आघाडीत तणाव सुरू आहे. कोण मुख्यमंत्री होतं बघूयात. मात्र मुख्यमंत्री होण्यासाठी बहुमत लागेल. पण बहुमत मिळवणे आधीच महाविकास आघाडीमध्ये यांचे भांडण सुरू आहेत, अशी प्रतिक्रिया मंत्री गिरीश महाजन यांनी महाविकास आघाडीतील मुख्यमंत्री पदाचा चेहऱ्याबाबत सुरू असलेल्या राजकीय चर्चांवर दिली आहे.

राज्यात महायुतीचेच सरकार

गल्लो गल्ली आता अनेक कंपनी आहेत की त्या सर्वे करतात. निकाल लागल्यावरच आपल्या समोर सर्व गोष्टी येतील. आता राजस्थान आणि छत्तीसगड येथील विधानसभेच्या मध्यवर्ती निवडणुका झाल्या होत्या त्यावेळी सुद्धा या ठिकाणी भाजप येणार नाही असं सांगण्यात आलं. लटा परिणाम झाला दोन तृतीयांश एवढ्या जागा आमच्या या ठिकाणी निवडून आल्या.सर्वे म्हणजेच सगळं काही असं होत नाही. अनेक वेळेला सर्व हे चुकत असतात. महाराष्ट्रात निश्चितच पुन्हा महायुतीचे सरकारी येईल यात बाबत आमच्या मनात कुठलेही शंका नाही,असे ते म्हणाले.

ठाकरे यांचे विधान काय

महाविकास आघाडीचा निर्धार मेळावा नुकताच मुंबईत झाला. त्यात उद्धव ठाकरे यांनी महाविकास आघाडीचा मुख्यमंत्रीपदाचा चेहरा जाहीर करण्याची भूमिका मांडली होती. कुणालाही द्या, पण मुख्यमंत्री पदाचा चेहरा जाहीर करा. विधानसभा निवडणुकीआधी मुख्यमंत्री पदाचा चेहरा असावा अशी आग्रही मागणी त्यांनी केली होती. त्यानंतरच्या बैठकीत सुद्धा त्यांनी हाच मुद्दा लावून धरला होता. त्यावर काँग्रेसने नाराजी व्यक्त केली होती. तर शरद पवार गटाने या मुद्यावर सावध भूमिका घेतली आहे.