Maharashtra News LIVE : राज्यात एलपीजी गॅसचा तुटवडा, व्यावसायिक संकटात..
Maharashtra News LIVE Updates : राज्यात एलपीजी गॅसचा मोठा तुटवडा निर्माण झाला. केंद्र शासनाकडून तुटवडा भरून काढण्याकरिता प्रयत्न केली जात आहेत. इराण अमेरिका युद्धाचा परिणाम भारतावर होताना दिसत आहे.
LIVE NEWS & UPDATES
-
अजिंठा लेणी परिसरात मधमाशांचा पर्यटकांवर हल्ला, देशी-विदेशी पर्यटकांसह ७ वर्षीय मुलगी जखमी
जागतिक वारसा स्थळ असलेल्या अजिंठा लेणी परिसरात आग्या मोहोळाच्या मधमाशांनी अचानक पर्यटकांवर हल्ला केल्याची धक्कादायक घटना घडली आहे. बस पार्किंग परिसरात पर्यटक असताना हा प्रकार घडला आहे. यामध्ये श्रीलंका, थायलंडसह जबलपूर येथील पर्यटकांचा समावेश आहे. या हल्ल्यात जबलपूर येथील एक ७ वर्षीय चिमुरडी गंभीर जखमी झाली असून तिच्या चेहऱ्यावर मोठी सूज आली आहे. दरम्यान, बस चालकाने प्रसंगावधान राखून पर्यटकांना खाली उतरू न देता बस सुरक्षित ठिकाणी वळवल्याने मोठा अनर्थ टळला. सर्व जखमींवर सध्या अजिंठा ग्रामीण रुग्णालय आणि स्थानिक खाजगी दवाखान्यात उपचार सुरू आहेत.
-
जळगावातील पेट्रोल पंप अपहाराप्रकरणी मोठी कारवाई, PSI सह मुलाला ३ दिवसांची पोलीस कोठडी
जळगाव येथील पोलिसांच्या मालकीच्या ‘दक्षता’ पेट्रोल पंप अपहार प्रकरणात मोठी कारवाई करण्यात आली असून, अटकेतील पोलीस उपनिरीक्षक (PSI) वाल्मीक वाघ आणि त्यांचा मुलगा शेखर वाघ यांना जळगाव जिल्हा न्यायालयाने १३ मार्चपर्यंत पोलीस कोठडी सुनावली आहे. या पेट्रोल पंपावर १ कोटी ३३ लाख ७५२ रुपयांचा मोठा अपहार झाल्याप्रकरणी जिल्हापेठ पोलीस ठाण्यात फसवणूक आणि अपहरणाचा गुन्हा दाखल करण्यात आला होता. काही काळ फरार राहिल्यानंतर पीएसआय वाल्मीक वाघ पोलिसांना शरण आले, तर त्यांच्या मुलाच्या बँक खात्याचा या गैरव्यवहारात वापर झाल्याचे तपासात निष्पन्न झाल्याने त्यालाही अटक करण्यात आली आहे.
-
-
विरार लोकलमध्ये झुरळांचा सुळसुळाट; प्रवाशांनी व्हिडिओ केला व्हायरल
विरार रेल्वे स्थानकातून सुटणाऱ्या लोकल गाड्यांमध्ये स्वच्छतेचा बोजवारा उडाला असून डब्यांमध्ये झुरळांचा सुळसुळाट वाढल्याने प्रवासी हैराण झाले आहेत. काल दुपारी विरारवरून सुटलेल्या २:३८ च्या चर्चगेट लोकलमध्ये आणि १:१४ च्या विरार-अंधेरी लोकलमध्ये डब्यात झुरळे फिरत असल्याचे दिसून आले. एका जागरूक प्रवाशाने याचे चित्रीकरण करून सोशल मीडियावर व्हिडिओ व्हायरल केला आहे. धावत्या गाडीत झुरळे अंगावर येत असल्याने महिला आणि लहान मुलांमध्ये भीतीचे वातावरण आहे. रेल्वे प्रशासनाने या समस्येकडे गांभीर्याने लक्ष देऊन डब्यांची तातडीने स्वच्छता व फवारणी करावी, अशी मागणी प्रवाशांकडून केली जात आहे.
-
मुंबईतील कांदिवली पोलिसांनी ई-सिगारेटविरुद्ध मोठी कारवाई
पोलिसांनी लाखो रुपयांच्या ई-सिगारेटसह दोन आरोपींना अटक केली. मुंबईतील कांदिवली पोलिसांनी ई-सिगारेटविरुद्ध मोठी कारवाई करत दोन आरोपींना अटक केली आणि त्यांच्याकडून मोठ्या प्रमाणात ई-सिगारेट जप्त केल्या, ज्या भारतात बंदी आहेत. रोहित उपाध्याय आणि सार्थक अग्रवाल अशी अटक केलेल्या दोन आरोपींची नावे आहेत.हे दोघेही कांदिवलीचे रहिवासी आहेत आणि त्यांच्याकडून भारतात बंदी असलेल्या परदेशी ब्रँडच्या लाखो रुपयांच्या ई-सिगारेट जप्त करण्यात आल्या आहेत.
-
जळगावात अमरावती येथील तरुणीवर लग्नाचे आमिष दाखवत अत्याचार
एमआयडीसी पोलीस ठाण्यात तरुणासह त्याच्या कुटुंबातील ७ जणांविरुद्ध गुन्हा दाखल करण्यात आला आहे. अमरावती येथील ३० वर्षीय तरुणीचा मॅट्रिमोनिअल वेबसाइटवरून जळगावातील तरुणाशी ओळख झाली. या ओळखीतून तरुणाने तरुणीवर नाशिक तसेच जळगाव अशा वेगवेगळ्या ठिकाणी अत्याचार करत नंतर बळजबरीने तिचा गर्भपात केला.
-
-
फुल विक्रेत्यांना दादर मार्केट मध्ये सर्वोतोपरी सहकार्य मिळणार
नालासोपारा भाजपाचे आ राजन नाईक यांच्या भेटी नंतर मुंबईच्या महापौर रितू तावडे यांचे आश्वासन. दादर रेल्वे स्थानका जवळील फेरीवल्यावर मुंबई महापालिकेच्या अतिक्रमण हटाव मोहीम सुरू आहे. यात वसई तालुक्यातील फुल उत्पादक शेतकरी भरडल्या जात आहे. त्यामुळे आ राजन नाईक यांनी मुंबईच्या महापौर रितू तावडे यांची भेट घेऊन निवेदन दिले होते.
-
सोलापुरातील छोटे हॉटेलचालक आर्थिक अडचणीत येण्याची शक्यता
व्यावसायिक गॅस पुरवठा बंद केल्याने छोट्या हॉटेल चालकांवर बेरोजगारीची कुऱ्हाड कोसळणार आहे. आम्हाला कालपासून व्यावसायिक गॅस पुरवठा बंद आहे त्यामुळे आम्हाला गॅस मिळत नाही. आम्ही छोटे हॉटेल व्यावसायिक आहोत. आमचे हॉटेल चालू राहिले तरच आमच्या घरातली चूल पेटते. आमची सरकारला विनंती आहे की सरकारने छोट्या हॉटेल व्यावसायिकांसाठी गॅस पुरवठा करावा. मोठे हॉटेल व्यवसायिक किमान जीवन जगू शकतात मात्र आमचे हातावरचे पोट आहे.
-
-
माढ्याच्या कुर्डूवाडी मधील राज्य उत्पादन शुल्क विभागाचा ‘मंथली’ कारभार चव्हाट्यावर
एएसआय आनंद जोशी यांची लाचेची मागणी करीत असलेली कथित काॅल रेकार्डीगची क्लिप व्हायरल. राज्य उत्पादन शुल्क विभागाच्या कुर्डूवाडी कार्यालयातील कथित भ्रष्टाचाराचा एक धक्कादायक प्रकार समोर आलाय. सहाय्यक फौजदार (ASI) आनंद जोशी यांची लाचेबाबतची काॅल रेकार्डीग ची क्लिप सध्या सोशल मीडियावर तुफान व्हायरल होत आहे. दरमहा ‘मंथली’ स्वरूपात १५०० रुपये देण्याबाबत उघडपणे चर्चा होत असल्याचे संवादातून समोर आले आहे. व्हायरल झालेल्या क्लिपमध्ये कुर्डूवाडी येथील उत्पादन शुल्क विभागात कार्यरत असलेले ए.ए.स.आय आनंद जोशी एका ढाबा -हाॅटेल चालक व्यक्तीला फोन करून ओळख पटवतात आणि त्यानंतर नियमित ‘हप्ता’ देण्याबाबत बोलताना ऐकू येताहेत
-
“डिजिटल इंडियाला कल्याण-डोंबिवलीत ब्रेक!
ऑनलाईन पेमेंट साठी तांत्रिक अडचणी येत असल्याने पालिकेच्या नागरिक सुविधा केंद्रामध्ये जन्म मृत्यू दाखल्यासाठी ऑनलाइन पेमेंट सुविधा बंद; करत कॅशची सक्ती. जन्म-मृत्यू दाखला घेण्यासाठी आलेल्या नागरिकांची अर्धा अर्धा तास रांगेत उभे राहिल्यानंतर कॅशसाठी धावपळ पालिकेच्या भोंगळ कारभाराने नागरिक त्रस्त वारंवार हेलपाटे होत असल्याने नागरिक संतप्त
इराण अमेरिका युद्धाचा थेट फटका भारतीय लोकांना बसत आहे. देशभरात एलपीजी गॅसचा तुटवडा निर्माण झाला. यासोबतच गॅसच्या किंमतीमध्येही मोठी वाढ झाली. हॉटेल व्यावसायिक मोठ्या संकटात आहे. केंद्र शासनाकडून यातून मार्ग काढण्याचा प्रयत्न केला जात आहे. व्यावसायिक गॅस पुरवठा बंद केल्याने छोट्या हॉटेल चालकांवर बेरोजगारीची कुऱ्हाड कोसळणार आहे. आमचे हॉटेल चालू राहिले तरच आमच्या घरातली चूल पेटते म्हणत सरकारला छोट्या हॉटेल व्यावसायिकांकडून गॅस पुरवठा करण्याची विनंती केली जात आहे. काही हॉटेल व्यावसायिकांनी थेट चुली सुरू केल्या आहेत. काल केंद्रीय मंत्रिमंडळाची गॅस टंचाईच्या मुद्दयावर बैठक झाली. यातून मार्ग काढण्याचा प्रयत्न सुरू आहे. राज्यात अर्थसंकल्पीय अधिवेशन सुरू आहे. महत्वाच्या घोषणा होण्याची शक्यता आहे. इराण आणि अमेरिका युद्ध अधिक भडकताना दिसत आहे. यासह महाराष्ट्र, देश विदेश, क्रीडा, मनोरंजन क्षेत्रातील प्रत्येक महत्वाच्या बातमीचे अपडेटस जाणून घेण्यासाठी दिवसभर टीव्ही9 मराठीचा हा ब्लॉग फॉलो करा.
Published On - Mar 11,2026 8:22 AM
