Maharashtra Election News LIVE : बारामतीत अजित पवार यांच्या अंत्यसंस्काराच्या गर्दीत सोनसाखळी चोराचा धुमाकूळ
Live Updates in Marathi : अजित पवार यांच्या निधनानंतर उपमुख्यमंत्री सुनेत्रा पवार यांचा पहिला शासकीय दौरा पार पडला आहे. तर, दोन्ही राष्ट्रवादी काँग्रेसचे नवनिर्वाचित नगरसेवक शिंदेंच्या शिवसेनेत येणार असल्याची माहिती समोर येत आहे. अशाच महत्त्वाच्या अपडेट्स जाणून घ्या फक्त एका क्लिकवर
LIVE NEWS & UPDATES
-
कल्याणच्या श्रीमलंगडावर भाविकांची मोठी गर्दी
अनेक वर्षापासून श्रीमलंगड मुक्तीसाठी शिवसेनेकडून आंदोलन चळवळ सुरू केली असून आज माघ पौर्णिमेनिमित्त शिवसैनिकांकडून मलंग गडावरती आरती केली जाते. उपमुख्यमंत्री एकनाथ शिंदे देखील आज येणार असून त्यासाठी जयत तयारी करण्यात आली आहे.
-
बारामतीत ‘दादांच्या’ अंत्यसंस्काराच्या गर्दीत सोनसाखळी चोराचा धुमाकूळ
राज्यातील लाखो नागरिक आपल्या लाडक्या नेत्याला अखेरचा निरोप देण्यासाठी बारामतीत दाखल झाले असताना, या दुःखद प्रसंगाचा गैरफायदा घेत चोरट्यांनी नागरिकांच्या गळ्यातील सोनसाखळ्या लंपास केल्याची धक्कादायक घटना समोर आली आहे. २८ जानेवारी रोजी राज्याचे उपमुख्यमंत्री अजित पवार यांचे विमान दुर्घटनेत दुर्दैवी निधन झाले. त्यांच्यावर बारामतीतील विद्या प्रतिष्ठानच्या मैदानावर शासकीय इतमामात अंत्यसंस्कार करण्यात आले.
-
-
भीक मागण्याच्या बहाण्याने महिलांकडून चोरी
सातपूरच्या कामगारनगर परिसरातील प्रकार. सहा महिलांच्या टोळीचा घरफोडीचा डाव. एका घरातून ८ हजार रुपयांची रोकड लंपास. संपूर्ण घटना सीसीटीव्हीत कैद. सातपूर पोलीस ठाण्यात गुन्हा दाखल. काही संशयित महिलांना पोलिसांनी ताब्यात घेतले
-
भाजपा + AP राष्ट्रवादी युतीच्या महापौर, उपमहापौर पदाचे उमेदवार आज ठरणार
आज अर्ज भरण्याची अंतिम मुदत असल्याने भाजपा मंत्री तथा पालकमंत्री राधाकृष्ण विखे घेणार नगरसेवकांची बैठक. भाजपा + AP राष्ट्रवादी युतीच्या सर्व नगरसेवकांची सकाळी ११ वाजता पालकमंत्री राधाकृष्ण विखे पाटील व आमदार संग्राम जगताप यांच्या उपस्थितीत होणार बैठक. महापौर उमेदवार ठरविण्यासाठी नगरसेवकांची मते ऐकून घेतली जाण्याची शक्यता. महापालिका निवडणूकित एकूण 68 जागेपैकी भाजपा + AP राष्ट्रवादीच्या युतीने जिंकल्या आहेत सर्वाधिक 52 जागा.
-
मच्छिंद्रनाथ यात्रेनिमित्त श्री मलंगगडावर भाविकांचा महासागर, पोलिसांचा कडेकोट बंदोबस्त
आज माघ पौर्णिमेनिमित्त कल्याणमधील श्री मलंगगडावर मच्छिंद्रनाथ यात्रेला भाविकांची मोठी गर्दी. सकाळपासूनच गड परिसर भक्तिमय वातावरणात न्हालेला, जयघोषाने परिसर दुमदुमला. यात्रेच्या पार्श्वभूमीवर ठाणे ग्रामीण पोलिसांचा मोठ्या प्रमाणात फौजफाटा तैनात. कोणताही अनुचित प्रकार घडू नये यासाठी चोख बंदोबस्त आणि सतत निगराणी.
-
-
वाढे गावाजवळ कण्हेर डाव्या कालव्याला पडले भगदाड
मध्यरात्री उशिरा कालव्याला पडले भगदाड. लाखो लिटर पाणी गेले वाया. वाढे पाटखळ गावातील शेतकऱ्यांच्या शेतातील पिकांचे मोठे नुकसान. कण्हेर डाव्या कालव्याबाबत वासोळे गावाच्या ग्रामस्थांनी प्रशासनाला दिले होते निवेदन
-
नाशिक – दुचाकी चोरट्यांचा सुळसुळाट
नाशिक येथे दुचाकी चोरट्यांचा सुळसुळाट पाहायला मिळत आहे. शहरातील दुचाकी चोरीचे सीसीटीव्ही फुटेज व्हायरल झाले आहेत. अवघ्या पाच मिनिटांत दोन दुचाकी चोरी केल्या. शरणपूर रोड येथील राजीव गांधी भवन समोरील इमारतीतील दुचाकी चोरीचा सीसीटीव्ही व्हिडिओ असल्याची माहिती समोर येत आहे.
-
-
अमरावतीत भाजपचा महापौर करण्याच्या हालचालींना वेग
अमरावतीत भाजपचा महापौर करण्याच्या हालचालींना वेग आला आहे. पालकमंत्री चंद्रशेखर बावनकुळे यांच्या उपस्थितीत बैठक पार पडणार असून 3 नावे चर्चेत आहेत. कोअर कमिटीकडे अंतिम मान्यतेसाठी पाठवणार पाठवण्यात आला आहे. यावेळी भाजप पुरुष महापौर देणार असल्याची सूत्रांची माहिती आहे. 2 फेब्रुवारी रोजी नामनिर्देशन अर्ज सादर करण्याचा शेवटचा दिवस असून 6 फेब्रुवारी रोजी अमरावतीला महापौर मिळणार आहे. अशात मॅजिक फिगर जुडविण्यासाठी राजकीय हालचाली वाढल्या आहेत.
-
अजित दादांच्या अस्थींचे आज नाशिकच्या रामकुंडावर होणार विसर्जन
अजित दादांच्या अस्थींचे आज नाशिकच्या रामकुंडावर विसर्जन होणार आहे. मंत्री छगन भुजबळ अजित दादांच्या अस्थी आणणार आहेत. रामकुंडावर पुरोहितांच्या उपस्थितीत अस्थी विसर्जन कार्यक्रम होणार आहे. अजित दादांच्या अस्थी येणार असल्याने प्रशासनाकडून तयारी सुरू झाली आहे. रामकुंड, मालेगाव स्टँड परिसरात वाहतुकीचे पोलिसांकडून नियोजन सुरू झालं आहे. दुपारी 3 च्या दरम्यान अजित दादांच्या अस्थी नाशिकमध्ये येणार आहे.
-
खासदार ओमराजे निंबाळकर यांचा ईव्हीएम घोटाळ्यावरून सवाल…
ईव्हीएममध्ये घोळ असता, तर ओमराजे खासदार झाला असता का? असा सवाल धाराशिवचे ठाकरे गटाचे खासदार ओमराजे निंबाळकर यांनी उपस्थित केला आहे. मोदी साहेबांसाठी महत्त्वाची निवडणूक लोकसभेची होती, नगरपालिकेची नव्हे. मग घोळ करायचाच असता, तर तो लोकसभेलाच झाला असता, असे खासदार ओमराजे म्हणाले. ईव्हीएममध्ये घोळ नाही, मात्र जागरूक राहणे गरजेचे आहे, असे ते म्हणाले. मतदानादिवशी 50 मते तपासणे, 7C फॉर्मवरील सिरीयल नंबर नोंदवणे आणि मतमोजणीवेळी तीच मशीन आहे का? याची खात्री या तीन गोष्टी केल्या, तर ईव्हीएममध्ये घोळ शक्य नाही, असा ठाम विश्वास त्यांनी व्यक्त केला….
-
नाशिक – द्वारका सर्कलच्या अंडरपासच्या कामाला आजपासून होणार सुरुवात
द्वारका सर्कलच्या अंडरपासच्या कामाला आजपासून सुरुवात होणार आहे. द्वारका चौकात आजपासून बसेस आणि अवजड वाहनांना बंदी घालण्यात आली आहे. पुढील तीन महिन्यांसाठी द्वारका अवजड वाहनांसाठी बंद राहणार आहे. 15 फेब्रुवारी नंतर हलक्या वाहनाना देखील बंदी असणार आहे. शहरातील वाहतुकीवर प्रचंड परिणाम होणार आहे. नागरिकांनी पर्यायी मार्गांचा वापर करण्याची प्रशासनाकडून सूचना देण्यात आली आहे.
-
बुलढाण्यातील मिर्झा नगरात पुन्हा एकदा बिबट्याचे दर्शन..
बुलढाण्यातील मिर्झा नगरात पुन्हा एकदा बिबट्याचे दर्शन झालं आहे. परिसरातील नागरिकात भीतीचे वातावरण आहे. बिबट्या रहिवासी वस्तीत शिरल्याचे cctv मध्ये कैद झालं आहे. यापूर्वी अनेकदा याच भागत बिबट्या आला होता. बिबट्याचा बंदोबस्त करण्याची मागणी गावकऱ्यांकडून करण्यात आली आहे.
उपमुख्यमंत्री पदाची शपथ घेल्यानंतर सुनेत्रा पवारांचा पहिलाच शासकीय दौरा पार पडला. सुनेत्रा पवार आज सातारा दौऱ्यावर 10 वाजता कराड येथे स्वर्गीय यशवंतराव चव्हाण यांच्या समाधी स्थळी दर्शन घेणार आहेत. त्यानंतर फलटण तालुक्यातील तरडगाव येथे जात अजित दादाचे सुरक्षारक्षक स्वर्गीय विदीप जाधव यांच्या घरी सांत्वनपर भेट देणार आहेत. तर, दोन्ही राष्ट्रवादी काँग्रेसचे नवनिर्वाचित नगरसेवक शिंदेंच्या शिवसेनेत येणार असल्याची माहिती समोर येत आहे. अजित पवार यांच्या राष्ट्रवादीचे 3 तर शरद पवार गटाचा 1 नगरसेवक शिंदे सेनेत सहभागी होऊन एकच गट स्थापन करणार आहे. आता शिंदे सेनेच्या गटाची संख्या 29 वरून 33 वर तर महायुतीचं एकत्रित संख्याबळ 122 पर्यंत पोहचणार आहे. अमेय घोले यांची शिवसेनेची गट नेते पदी निवड होणार असल्याची माहिती समोर येत आहे. स्वर्गीय अजितदादा पवार यांचा पवित्र अस्थिकलश आज व उद्या वाशिम जिल्ह्यात दाखल होत आहे. 2 व 3 फेब्रुवारी रोजी जिल्ह्यातील विविध तालुक्यांमध्ये अस्थिकलश दर्शनासाठी ठेवण्यात येणार आहे.
Published On - Feb 02,2026 8:07 AM
