विमानतळावर उतरलेल्यांना सक्तीचे अलगीकरण, ओमिक्रॉन कोरोनाचा रुग्ण आढळल्यास इमारत सील, मुंबई पालिका सज्ज
विमातनळावर उतरलेल्याा प्रवाशांना आता संस्थात्मक अलगीकरण सक्तीचे करण्यात आलंय. तसेच कोरोना रुग्ण आढळलाच तर त्याच्यावर कोरोना उपचार केंद्रामध्ये स्वतंत्रपणे उपचार करण्यात येणार आहेत. तशी माहिती मुंबई महापालिकेचे आयुक्त सुरेश काकाणी यांनी दिलीय.
मुंबई : दक्षिण आफ्रिकेसह हाँगकाँग येथे कोरोनाचे ओमिक्रॉन हे नवे रुप आढळले आहे. कोरोनाच्या या नव्या रुपाची संपूर्ण जगाने धास्ती घेतली आहे. महाराष्ट्रातील मुंबई विमानतळावर जगभरातून प्रवसी येतात. याच कारणामुळे आता मुंबई पालिका सज्ज झाली आहे. विमातनळावर उतरलेल्या प्रवाशांना आता संस्थात्मक अलगीकरण सक्तीचे करण्यात आले आहे. तसेच कोरोना रुग्ण आढळलाच तर त्याच्यावर कोरोना उपचार केंद्रामध्ये स्वतंत्रपणे उपचार करण्यात येणार आहेत. तशी माहिती मुंबई महापालिकेचे आयुक्त सुरेश काकाणी यांनी दिलीय.
मुंबई महापालिकेकडून कोणती खबरदारी घेण्यात येणार ?
बृहन्मुंबई महानगरपालिकेचे अतिरिक्त आयुक्त सुरेश काकाणी यांनी कोरोनाच्या नव्या रुपाच्या संभाव्य धोक्याच्या पार्श्वभूमीवर कोणत्या उपाययोजना केल्या आहेत, याची माहिती दिलीय. त्यांनी दिलेल्या माहितीनुसार विमानतळावर उतरलेल्या प्रवाशांना संस्थात्मक अलगीकरण सक्तीचे करण्यात येणार आहे. या प्रवाशांचे कोणत्याही परिस्थितीत गृह अलगीकरण करण्यात येणार नाही. दुर्दैवाने कोरोनाच्या नव्या व्हेरिएंटचा रुग्ण आढळून आलाच तर त्याच्यावर कोरोना उपचार केंद्रामध्ये स्वतंत्रपणे उपचार करण्यात येतील.
…तर संपूर्ण इमारत सील करण्यात येणार
तसेच बृहन्मुंबई महापालिका क्षेत्रातील सर्व रुग्णालयांचे तसेच कोविड उपचार केंद्रांचे संरचनात्मक, अग्निशमन आणि विद्युत ऑडिट करण्यात येईल. तसेच त्याची चाचणी घेण्यात येणार आहे. व्हेंटिलेटरची तपासणी करुन ते गरजेनुसार वापरण्यात येतील. या सर्व गोष्टींची अंमलबजावणी करण्यासाठी यंत्रणा सज्ज करुन ठेवण्यात येणार आहे. घातक व्हेरियंटचा एकही रुग्ण एखाद्या इमारतीत आढळला तर संपूर्ण इमारत सील करण्यात येणार आहे. तशी माहिती काकाणी यांनी दिलीय.
नवी मुंबईत प्रवाशांची आरटीपीसीआर चाचणी करण्यात येणार
नवी मुंबई महापालिकेनेदेखील खबदारी म्हणून अनेक उपाययोजना केल्या आहेत. नवी मुंबई महानगरपालिकेने सर्व वैद्यकीय अधिकारी, कर्मचाऱ्यांच्या बैठका घेऊन त्यांना दक्ष राहण्याच्या सूचना दिल्या आहेत. विदेशातून येणाऱ्या प्रवाशांची आरटीपीसीआर दर दिवसाआड करण्यात येणार आहे. तशी माहिती नवी मुंबई महानगरपालिका आयुक्त अभिजित बांगर यांनी दिलीय.
इतर बातम्या :
राज्यांशी समन्वय साधून आरोग्य सुविधांचा आढावा घ्या; कोरोना व्हेरिएंटच्या पार्श्वभूमीवर मोदींचे आदेश
नारायण राणेंचा मार्च कुठला ते शोधावं लागेल; भुजबळांनी उडवली खिल्ली
