‘टेस्ट ट्यूब बेबी’ बनला पिता, एकाच रुग्णालयात जन्म झाला बापलेकाचा

मुंबई | 2 फेब्रुवारी 2024 : 30 वर्षांपूर्वी मुंबईतल्या चेंबूर येथील एका दाम्पत्याने मुंबईतील रुग्णालयात टेस्ट ट्यूब बेबीला जन्म दिला होता. आता हे टेस्ट ट्यूब बेबी लव्ह सिंह देखील पिता बनले आहे. विशेष म्हणजे लव्ह सिंह यांची पत्नी हरलीन कौर हीने त्याच हॉस्पिटलमध्ये आपल्या बाळाला जन्म दिलाय जेथे त्याचे वडील लव्ह सिंह टेस्ट ट्यूब बेबी तंत्राने जन्मले होते. मुंबईच्या प्रसिद्ध जसलोक रुग्णालयात टेस्ट ट्यूब बेबी तंत्रज्ञानाने लव्ह यांचा जन्म झाला होता. त्यावेळी हे तंत्रज्ञान खूपच नवे होते. त्यांच्या आठ वर्षांअगोदर भारताच्या पहिल्या टेस्ट ट्यूब बेबी हर्षा चावडा शाह यांचा जन्म झाला होता. परंतू लव्ह यांचा जन्म इंट्रासाईटोप्लाज्मिक स्पर्म इंजेक्शन ( ICSI ) तंत्राने झाला होता. आणि ते त्याहून प्रगत तंत्रज्ञान म्हटले जाते.

लव्ह सिंह आता प्रॉपर्टी एडव्होकेट आहेत. 28 जानेवारी रोजी त्यांच्या पत्नीने जसलोक रुग्लालयात बाळाला जन्म दिला आहे. देशातील ICSI तंत्रज्ञानाला आणणाऱ्या डॉ. फिरोजा पारिख यांच्या देखरेखी खाली या बाळाचा जन्म झाला. लव्ह यांच्या पत्नी गर्भधारणा नैसर्गिक झाली होती. परंतू डॉ. पारिख यांच्या ऋृणानुबंध जुळल्याने त्यांच्या देखरेखी खाली बाळाचा जन्म झाला. गुरुवारी लव्ह सिंह यांच्या पत्नीला घरी देखील सोडण्यात आले.

डॉ. पारीख साल 1989 मध्ये येल युनिव्हर्सिटीतून शिक्षण घेऊन भारतात परतल्या होत्या. भारतात त्यांनी आयसीएसआय तंत्रज्ञानावर संशोधन केले. त्यातून एका स्पर्मद्वारे गर्भधारणेचे तंत्रज्ञान आणले. आम्हा स्पर्म एगमध्ये टाकण्यासाठी चार वर्षांचा काळ लागला होता. तो माणसाच्या केसांहूनही अनेक पटीने सुक्ष्म असतो. लव्ह सिंह आयसीएसआय तंत्राने जन्म होणारे दक्षिण आशियातील पहिले व्यक्ती आहेत. साल 2016 मध्ये देशातील पहिली टेस्ट ट्यूब बेबी हर्षा चावडा देखील आई बनली होती. त्यांनी देखील आपल्या बाळाला जसलोकमध्येच जन्म दिला होता. हर्षा या देशातील पहिल्या टेस्ट ट्यूब बेबीचा जन्म 1986 मध्ये झाला होता. प्रसुती शास्रातील मैलाचा दगड ठरलेल्या इन व्हायट्रो फर्टीलायझेशन तंत्राचा वापर करून डॉ. इंदिरा आहुजा यांनी हर्षाला जन्म दिला होता.