Breaking : लिफ्ट कोसळून 4 जणांचा मृत्यू, वरळीच्या हनुमान गल्लीतील धक्कादायक घटना
एका इमारतीची लिफ्ट कोसळून 4 जणांचा मृत्यू झालाय, तर एकजण गंभीर जखमी झाला आहे. ललित अंबिका असं या इमारतीचं नाव आहे. बीडीडी चाळ नंबर 118, 119 च्या समोर ही इमारत आहे. या इमारतीचं अद्याप काम सुरु आहे.
मुंबई : वरळीच्या हनुमान गल्लीमध्ये एक धक्कादायक घटना घडली आहे. एका इमारतीची लिफ्ट कोसळून 4 जणांचा मृत्यू झालाय, तर एकजण गंभीर जखमी झाला आहे. ललित अंबिका असं या इमारतीचं नाव आहे. बीडीडी चाळ नंबर 118, 119 च्या समोर ही इमारत आहे. या इमारतीचं अद्याप काम सुरु आहे. (Lift Accident elevator collapsed in Hanuman Galli of Worli mumbai, 4 people died and 1 injured)
मृतांमध्ये अविनाश दास (35 वर्षे), भारत मंडल (27 वर्षे), चिन्मय मंडल (33 वर्षे) आणि एका 45 वर्षीय व्यक्तीचा मृत्यू झाला आहे. त्या व्यक्तीची ओळख अद्याप पटलेली नाही. तर लक्ष्मण मंडल (35 वर्षे) ही व्यक्ती गंभीर जखमी झाली आहे.
ही घटना संध्याकाळी 5.45 च्या सुमारास घडली असून, घटनास्थळी अग्निशमन दलाचे जवान दाखल झाले आहेत. त्यांच्याकडून मदतकार्य सुरू आहे. दरम्यान, अजूनही 6 जण आतमध्ये अडकल्याची माहिती समोर आली आहे. जखमींना तातडीने केईएम रुग्णालय आणि नायर रुग्णालयात दाखल करण्यात आले आहे.
अशी माहिती मिळाली आहे की, या इमारतीत पार्किंगचे बांधकाम सुरू होते. त्याच दरम्यान लिफ्ट कोसळली. दुर्घटनेत 4 जणांचा मृत्यू झाला असून आत अडकलेल्या 6 जणांची सुटका करण्याचं काम अग्निशमन दलाने हाती घेतलं आहे.
4 people died, one injured after a lift collapsed at an under-constructed building in Worli, Mumbai. Injured have been shifted to the hospital: Brihanmumbai Municipal Corporation (BMC)#Maharashtra pic.twitter.com/6yMAEopgNb
— ANI (@ANI) July 24, 2021
इतर बातम्या
BREAKING साताऱ्यातील मीरगावात दरड कोसळली, दहा जणांचा मृत्यू
(Lift Accident elevator collapsed in Hanuman Galli of Worli mumbai, 4 people died and 1 injured)
