Mumbai Rain Live Updates | सिंधुदुर्गमधील निर्मला नदीने ओलांडली धोक्याची पातळी, 27 गावांचा संपर्क तुटण्याची शक्यता

सिंधुदुर्गमधील निर्मला नदीने ओलांडली धोक्याची पातळी, 27 गावांचा संपर्क तुटण्याची शक्यता

सिंधुदुर्ग : जिल्ह्यात गेले दोन दिवस मुसळधार पाऊस

अनेक नद्यांची पाणीपातळी वाढली

कुडाळ माणगांव खोऱ्यातील निर्मला नदीने धोक्याची पातळी ओलांडली

नदीला पूर येण्याची शक्यता

त्यामुळे पुढील 27 गावांचा संपर्क तुटण्याची शक्यता आहे.

पावसाळा सुरु झाला तरीही बुलडाणा जिल्ह्यातील 65 गावांमध्ये अजूनही पाणीटंचाई

बुलडाणा

पावसाळा सुरु झाला तरीही जिल्ह्यातील 65 गावांमध्ये अजूनही पाणीटंचाई कायम, टंचाई निवारनार्थ 53 विंधन विहिरी आणि 23 कूपनलिका मंजूर, दरवर्षी जिल्ह्यातील पानिटांचाई निवारणार्थ लाखो रुपये होतात खर्च, मात्र त्यावर कायमस्वरूपी तोडगा काढण्याची गरज

नांदेडमध्ये रात्री अकरा वाजल्यापासून पावसाची संततधार सुरू

नांदेडमध्ये रात्री अकरा वाजल्यापासून पावसाची संततधार सुरू आहे. रात्री उशिरा आलेल्या जोरदार पावसाने नांदेडला चांगलेच झोडपलय. सकाळपर्यंत हा पाऊस रिमझिम स्वरूपात बरसत होता. या पावसामुळे नांदेडमध्ये मान्सूनचे आगमन झाल्याचे दिसत आहे. त्यामुळे आता बळीराजाच्या कामाला वेग येणार आहे.

मृगातील पहिल्याच पावसाने नद्यांना पूर; अनेक गावांचा संपर्क तुटला

बीड – तालुक्यातील देवळा येथील पुलावरून पाणी गेल्याने उमरी, पारगाव, जीवनापूर या गावांचा शहराशी संपर्क तुटला होता. मृग नक्षत्र सुरू झाल्यानंतरच्या पहिल्या जोरदार पावसाने नद्यांना पूर आला असून अनेक गावांचा संपर्क तुटला आहे.