Pune Corona Update : महापालिका अलर्टवर, सोमवारी महत्वाची बैठक; निर्बंध आणि शाळांबाबत निर्णयाची शक्यता

महापौर मुरलीधर मोहोळ यांनी सोमवारी, 3 जानेवारी रोजी महापालिका आयुक्त आणि आरोग्य अधिकाऱ्यांची बैठक बोलावली आहे. या बैठकीत कोरोनाच्या पार्श्वभूमीवर निर्बंध आणि अन्य महत्वाचे निर्णय घेतले जाण्याची शक्यता वर्तवली जात आहे.

Pune Corona Update : महापालिका अलर्टवर, सोमवारी महत्वाची बैठक; निर्बंध आणि शाळांबाबत निर्णयाची शक्यता
पुणे महापालिका
टीव्ही 9 मराठी डिजीटल टीम

| Edited By: सागर जोशी

Jan 01, 2022 | 8:33 PM

पुणे : राज्यात पुन्हा एकदा कोरोना रुग्णांची संख्या (Corona Outbreak) मोठ्या प्रमाणात वाढत आहे. पुण्यातही कोरोनाबाधित रुग्णांच्या संख्येत मोठी वाढ होत आहे. पुण्यात आज 399 जणांना कोरोनाची लागण झाल्याची माहिती महापालिकेकडून देण्यात आली आहे. या पार्श्वभूमीवर पुणे माहापालिका (Pune Municipal Corporation) अलर्ट झाली आहे. महापौर मुरलीधर मोहोळ (Murlidhar Mohol) यांनी सोमवारी, 3 जानेवारी रोजी महापालिका आयुक्त आणि आरोग्य अधिकाऱ्यांची बैठक बोलावली आहे. या बैठकीत कोरोनाच्या पार्श्वभूमीवर निर्बंध आणि अन्य महत्वाचे निर्णय घेतले जाण्याची शक्यता वर्तवली जात आहे.

महापौरांनी बोलावलेल्या बैठकीत पुणे शहरात कोरोना निर्बंधांमध्ये वाढ करावी का? तसंच शाळा पुन्हा एकदा ऑनलाईन पद्धतीने कराव्यात का? याबाबत चर्चा होणार असल्याची माहिती मिळतेय. दुसरीकडे 15 ते 18 वयोगटातील विद्यार्थ्यांच्या लसीकरणाची तयारीही करण्यात आली आहे. पुणे शहरात 40 ठिकाणी लसीकरण होणार आहे. त्यासाठी जवळपास अडीच लाख पात्र विद्यार्थ्यांचं लसीकरण होणार असल्याची माहिती मिळतेय.

पुण्यात दिवसभरात 399 नवे कोरोना रुग्ण

पुण्यात आज दिवसभरात 399 नवे कोरोना रुग्ण आढळून आले आहेत. तर 127 कोरोना रुग्णांना रुग्णालयातून डिस्चार्ज मिळाला आहे. आज पुणे शहरात एक तर शहराबाहेर एक अशा दोन कोरोना रुग्णाचा मृत्यू झाल्याची माहिती महापालिकेनं दिली आहे. पुण्यात 2 हजार 70 सक्रीय रुग्ण आहेत. त्यातील 92 जणांची प्रकृती चिंताजनक असल्याचं कळतंय.

इतर बातम्या :

Breaking : पंकजा मुंडे यांना दुसऱ्यांदा कोरोनाची लागण! मुंबईतील निवासस्थानी क्वारंटाईन

Mumbai corona update : आज मुंबईत तब्बल 6 हजार 347 नवे कोरोना रुग्ण, संकट अधिक गडद

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें