कुठल्या पक्षात जाणार की अपक्ष लढणार?; वसंत मोरे यांच्या फेसबुक पोस्टने सस्पेन्स वाढला

अभिजीत पोते, प्रतिनिधी- टीव्ही 9 मराठी, पुणे | 21 मार्च 2024 : लोकसभा निवडणुकीची रणधुमाळी सुरु झाली आहे. अशात पुण्यात विविध घडामोडी घडत आहेत. मनसेला राम राम केल्यानंतर वसंत मोरे यांची राजकीय भूमिका काय असेल? याची उत्सुकता कायम आहे. अशात वसंत मोरे यांनी फेसबुर पोस्ट शेअर केल्यानंतर हा सस्पेन्स आणखी वाढला आहे. रात्री उशिरा शेअर केलेल्या फेसबुक पोस्टने चर्चांना उधाण आलं आहे. एक व्हीडिओ शेअर करत वसंत मोरे यांनी आपल्या भावना मांडल्या आहेत. त्यामुळे सर्वत्र चर्चा होताना दिसत आहे.

वसंत मोरे यांची फेसबुक पोस्ट चर्चेत

तरी पण निवडणूक एकतर्फी कशी होते बघोतच मी… असा मजकूर असलेली एक पोस्ट वसंत मोरे यांनी काल रात्री उशिरा फेसबुकवर केली. या पोस्टमध्ये वसंत मोरे यांनी एक व्हीडिओ शेअर केलाय. या व्हीडिओला असणारं बॅगराऊंड म्युझिक बरंच काही सुचवू पाहात आहे. देखीये जी ये शहर है तुम्हारा लेकीन इस शहर में दबदबा है हमारा…, असं बॅगराऊड असणारा व्हीडिओ आणि पोस्ट सध्या प्रचंड चर्चेत आहे.

तरीपण निवडणूक एकतर्फी कशी होते बघतोच मी… pic.twitter.com/H6wQ7c7sIW

— Vasant More | वसंत मोरे (@vasantmore88) March 20, 2024

निवडणूक लढण्यावर ठाम

वसंत मोरे यांनी विविध पक्षातील बड्या नेत्यांची भेट घेतली आहे. या भेटींनंतरही लोकसभा निवडणूक लढवण्यावर वसंत मोरे ठाम आहेत. त्यामुळे वसंत मोरे नेमके कुठल्या पक्षात प्रवेश करतात का? की अपक्ष उमेदवार म्हणून लोकसभा निवडणूक लढतात? हे अद्याप अस्पष्ट आहे. मात्र लवकरच भूमिका स्पष्ट करेल अशी माहिती वसंत मोरे यांनी टीव्ही 9 मराठीला दिली आहे.

कोणत्या पक्षात जाणार?

12 मार्चला वसंत मोरे यांनी मनसे पक्षाला राम राम केला. त्यानंतर त्यांनी आपल्या मनातील खदखद बोलून दाखवली. आपल्याबाबत आणि पुणे लोकसभा मतदारसंघाबाबत पुण्यातील कोअर कमिटीने राज ठाकरेंना दिला. पुण्यातील कोअर कमिटी मनसे पक्षाला संपवण्याचं काम करतेय. असे गंभीर आरोप त्यांनी लावले. त्यानंतर वसंत मोरे कोणत्या पक्षात राणाज याची चर्चा होतेय. राष्ट्रवादी शरद पवार गट किंवा शिवसेना ठाकरे गटात वसंत मोरे जातील, अशी चर्चा होतेय. त्यामुळे वसंत मोरे येत्या काळात कोणत्या पक्षात प्रवेश करतात हे पाहणं महवाचं असेल.