Thane Firing : ठाण्यात कौटुंबिक वादातून एका व्यक्तीकडून कुटुंबावर गोळीबार, सुदैवाने कोणतीही जीवितहानी नाही

ठाणे : घरगुती आणि संपत्तीच्या वादातून एका व्यक्तीने कुटुंबातील सदस्यांवर गोळीबार (Firing) केल्याची धक्कादायक घटना ठाण्यातील माजीवडा परिसरात घडली आहे. राजेश शर्मा असे गोळीबार करणाऱ्या व्यक्तीचे नाव आहे. नेहमीप्रमाणे शर्मा कुटुंबीयांत संपत्तीवरुन कौटुंबिक वाद (Dispute) झाला. हा वाद विकोपाला जाऊन शर्मा यांनी रागाच्या भरात घरामध्ये 5 राऊंड फायर करत अंदाधुंद गोळीबार केला. सुदैवाने यात कोणतीही दुखापत किंवा जीवितहानी झाली नाही. याप्रकरणी कापूरबावडी पोलिसांना माहिती देण्यात आली. कापूरबावडी पोलिसांनी आरोपी राजेश शर्मा यांना ताब्यात घेतले आहे. शर्मा यांच्याविरोधात कापूरबावडी पोलिस ठाण्यात गुन्हा नोंद करण्याची प्रक्रिया सुरु आहे. (A man was firing on family member during family and property dispute in thane)

शर्मा यांनी 5 राऊंड फायर केले

राजेश शर्मा हे ठाण्यातील लोढा लकजिरीया येथे कुटुंबीयांसोबत राहतात. शर्मा कुटुंबात गेल्या अनेक दिवसापासून कौटुंबिक आणि मालमत्तेवरुन वाद सुरु आहेत. शुक्रवारी संध्याकाळी 6.30 वाजता दारुच्या नशेत राजेश शर्मा यांचा पुन्हा कुटुंबीयांसोबत वाद सुरु झाला. हा वाद इतका विकोपाला गेला की रागाच्या भरात शर्मा यांनी स्वतःजवळील पिस्तुल काढून अंदाधुंद गोळीबार केला. शर्मा यांनी 5 राऊंड फायर केले. सुदैवाने या घटनेत कोणालाही दुखापत किंवा जीवितहानी झाली नाही. घटनेची माहिती मिळताच कापूरबावडी पोलिसांनी घटनास्थळी धाव घेत शर्मा यांना ताब्यात घेतले. याप्रकरणी गुन्हा नोंद करण्याची प्रक्रिया सुरु असल्याची माहिती सहाय्यक पोलिस आयुक्त निलेश सोनवणे यांनी दिली आहे. (A man was firing on family member during family and property dispute in thane)

इतर बातम्या

Nagpur Crime : नागपूरमध्ये भंगारमध्ये विकत घेतलेल्या कारमध्ये आढळला मृतदेह

Kashmir Murder : कश्मीरात दहशतवाद्यांचा हैदोस सुरूच; सरपंचाची गोळ्या झाडून केली हत्या