कल्याण पंचायत समितीत भाजपाच्या रेश्मा भोईर यांची सभापती पदी बिनविरोध निवड

कल्याण : एकीकडे राज्यात महाविकास आघाडी आणि भाजपमधील वाद विकोपाला गेले आहेत. असे असताना कल्याण पंचायत समितीमध्ये मात्र शिवसेना राष्ट्रवादी भाजप एकत्रितरित्या सत्तेचा आस्वाद घेत असल्याचे चित्र आहे. पंचायत समिती (Panchayat Samiti)च्या निवडणुकीनंतर सभापती (Chairperson) पदाची निवडणूक बिनविरोध करत शिवसेना राष्ट्रवादी भाजप या तिन्ही पक्षांनी सभापती पदाचा आस्वाद घेतला आहे. आज बिनविरोध निवड झालेल्या भाजपच्या सभापती रेश्मा भोईर यांनी सर्व पक्षीय सदस्याच्या उपस्थितीत पदभार स्वीकारला. (BJP’s Reshma Bhoir elected as chairperson of Kalyan Panchayat Samiti)

शिवसेना राष्ट्रवादी महाविकास आघाडीचे पंचायत समितीत वर्चस्व

कल्याण पंचायत समितीत 5 भाजपा, 3 राष्ट्रवादी आणि 4 शिवसेना असे पक्षीय बलाबल आहे. पक्षीय बलाबलनुसार शिवसेना राष्ट्रवादी महाविकास आघाडीचे पंचायत समितीत वर्चस्व आहे. मात्र कल्याण पंचायत समितीचे सभापती पद शिवसेना, राष्ट्रवादी, भाजप या तिन्ही पक्षाच्या उमेदवारांनी उपभोगलं आहे. सभापती पद सुरुवातीच्या काळात राष्ट्रवादीकडे होतं त्यांनंतर शिवसेना भाजपचे उमेदवार देखील सभापती पदी विराजमान झाले.

अनिता वाकचौरेचा कार्यकाळ संपल्याने सभापती पदासाठी निवडणूक

शिवसेनेच्या अनिता वाकचौरे या मागील 17 महिने शिवसेनच्या सभापती होत्या. त्यांचा कार्यकाळ संपल्याने उर्वरित 8 महिन्यासाठी सभापतीपदाची निवडणूक घोषित केली. त्यांनंतर राष्ट्रवादी, शिवसेना आणि भाजपाने एकमताने भाजपच्या गळ्यात सभापती पदाची माळ घातली असून भाजपच्या सदस्या रेश्मा भोईर यांची सभापती पदी बिनविरोध निवड करण्यात आली. आज रेश्मा यांनी पंचायत समिती सदस्याच्या उपस्थितीत पदभार स्वीकारला. (BJP’s Reshma Bhoir elected as chairperson of Kalyan Panchayat Samiti)

इतर बातम्या

स्वतःचीच आरती स्वतःच ओवाळून घेतली, Anil Bonde यांचा शरद पवार यांच्यावर घणाघात

कल्याण रेल्वे स्थानकात चाकूचा धाक दाखवून प्रवाशाला लुबाडले, रेल्वे पोलिसांची कारवाई