हुंड्याचे फायदे काय? नर्सिंग विद्यार्थ्यांच्या अभ्यासक्रमात पुस्तक, राष्ट्रीय महिला आयोगाचे शिक्षण मंत्र्यांना कारवाईचे आदेश

नवी दिल्ली : हुंडा पद्धतीच्या (Dowry) फायद्यांची यादी देणारे पुस्तक नर्सिंग विद्यार्थ्यांच्या अभ्यासक्रमात समाविष्ट केल्याप्रकरणी राष्ट्रीय महिला आयोगाने (NCW) मंगळवारी केंद्रीय शिक्षण मंत्री धर्मेंद्र प्रधान यांना कारवाई करण्यास सांगितले. टी के इंद्राणी लिखित ‘टेक्स्टबुक ऑफ सोशियोलॉजी फॉर नर्सेस’ या पुस्तकावरुन वादाचा धुरळा उडाला आहे. भारतीय नर्सिंग कौन्सिलच्या (Nursing Council)  अभ्यासक्रमानुसार हे पुस्तक लिहिल्याचा उल्लेख मुखपृष्ठावर केलेला आहे. हुंड्यामध्ये वडिलोपार्जित मालमत्तेचा वाटा मिळणे हा प्रतिगामी प्रथेतील एक फायदा आहे, असं हुंड्याचे नफे या शीर्षकाखाली लिहिण्यात आलं आहे.

हुंडा पद्धतीच्या फायद्यांची यादी

भारतात हुंडाप्रतिबंधक कायदा अस्तित्वात येऊन अनेक वर्ष उलटल्यानंतरही देशाच्या विविध भागात, उच्चभ्रू, मध्यमवर्गीय आणि कनिष्ठ अशा विविध स्तरीय समाजात हुंड्याची देवाण-घेवाण सुरुच असल्याच्या तक्रारी अनेकदा पाहायला मिळतात. त्यातच हुंडा पद्धतीच्या फायद्यांची यादी देणारे पुस्तक नर्सिंग विद्यार्थ्यांच्या अभ्यासक्रमात समाविष्ट केल्याने वादाची ठिणगी पडली आहे.

टी के इंद्राणींचे पुस्तक

राष्ट्रीय महिला आयोगाने मंगळवारी केंद्रीय शिक्षण मंत्री धर्मेंद्र प्रधान यांना याबाबत कारवाई करण्यास सांगितले आहे. टी के इंद्राणी यांचे ‘टेक्स्टबुक ऑफ सोशियोलॉजी फॉर नर्सेस’ हे पुस्तक नर्सिंग विद्यार्थ्यांच्या अभ्यासक्रमात आहे. हुंड्यामध्ये वडिलोपार्जित मालमत्तेचा वाटा मिळणे हा या प्रतिगामी प्रथेतील एक फायदा आहे, असा उल्लेख पुस्तकात करण्यात आला आहे. भारतीय नर्सिंग कौन्सिलच्या अभ्यासक्रमानुसार हे पुस्तक लिहिल्याचा उल्लेख मुखपृष्ठावर केलेला आहे.

राष्ट्रीय महिला आयोगाने काय म्हटलंय?

राष्ट्रीय महिला आयोगाने आपल्या निवेदनात म्हटले आहे की, ही बाब गंभीर चिंतेची असून आयोगाने त्याची दखल घेतली आहे.’हुंड्या’सारख्या प्रचलित चालीरितीबद्दल विद्यार्थ्यांमध्ये अतिशय चुकीचा संदेश दिला जात आहे. राष्ट्रीय महिला आयोगाच्या अध्यक्षा रेखा शर्मा यांनी या प्रकरणात हस्तक्षेप करण्यासाठी आणि उपाययोजना करण्यासाठी शिक्षण मंत्री धर्मेंद्र प्रधान यांना पत्र लिहिले आहे” असे या निवेदनात नमूद करण्यात आले आहे.

रेखा शर्मा यांनी केंद्रीय आरोग्य सचिव राजेश भूषण यांनाही पत्र लिहून या प्रकरणी कारवाई सुरु करत राष्ट्रीय महिला आयोगाला आठवड्याभरात माहिती देण्यास सांगितले आहे.

संबंधित बातम्या :

भुसावळमध्ये लग्नाआधीच मुलीचा हुंड्यासाठी छळ, लग्न मोडण्याची धमकी; अखेर तरुणीने उचलले हे टोकाचे पाऊल

सोलापुरातील प्रसिद्ध हॉटेल संचालकावर गुन्हा, बायकोकडे 25 लाखांचा तगादा?

पुण्यात हुंड्यासाठी होत असलेल्या छळाला कंटाळून परिचारिकेने उचलेले टोकाचे पाऊल