Happy Birthday Neetu Singh | लहानपणापासूनच अभिनयाची आवड, नीतू सिंहचा अभिनय पाहून प्रभावित झाल्या होत्या वैजयंती माला!
बॉलिवूडची एव्हरग्रीन अभिनेत्री नीतू सिंह-कपूर (Neetu Singh-Kapoor) यांचा आज वाढदिवस आहे. नीतू सिंह आपल्या बिनधास्त अभिनय आणि सौंदर्यासाठी चाहत्यांमध्ये ओळखल्या जातात. नीतू सिंह यांनी बाल कलाकार म्हणून आपल्या कारकिर्दीची सुरुवात केली होती.
TV9 मराठी डिजीटल टीम | Edited By: Harshada Bhirvandekar |
Updated on: Jul 08, 2021 | 11:02 AM
Share
बॉलिवूडची एव्हरग्रीन अभिनेत्री नीतू सिंह-कपूर (Neetu Singh-Kapoor) यांचा आज वाढदिवस आहे. नीतू सिंह आपल्या बिनधास्त अभिनय आणि सौंदर्यासाठी चाहत्यांमध्ये ओळखल्या जातात. नीतू सिंह यांनी बाल कलाकार म्हणून आपल्या कारकिर्दीची सुरुवात केली होती.
1 / 7
असे म्हटले जाते की, नीतू सिंहला लहानपणापासूनच नृत्याची आवड होती, म्हणून त्यांच्या आईने आपल्या मुलीला अभिनेत्री वैजयंती माला यांच्या नृत्य शाळेत दाखल केले. इथेच अभिनेत्रीच्या नृत्याने प्रभावित झालेल्या वैजयंती माला यांनी त्यांना बाल कलाकार म्हणून ‘सूरज’ हा पहिला चित्रपट दिला.
2 / 7
बालकलाकार म्हणून यश मिळवल्यानंतर नीतू सिंह यांनी 1973च्या 'रिक्शावाला' चित्रपटाद्वारे आपल्या फिल्मी करिअरची सुरुवात केली. तथापि, हा चित्रपट पडद्यावर जास्त जादू करू शकला नाही. यानंतर त्या 1973मध्ये नासिर हुसेनच्या ‘यादों की बारात’ या चित्रपटात दिसल्या. हा चित्रपट सुपरहिट ठरला.
3 / 7
नीतू सिंह यांना खरी ओळख 1975च्या 'खेल खेल में' या चित्रपटातून मिळाली. या सिनेमात ऋषी कपूर त्यांचे नायक होते. यानंतर नीतूने ऋषीसोबत अनेक उत्तम चित्रपटांमध्ये काम केले.
4 / 7
नीतू सिंहने ऋषी कपूरसोबत 10हून अधिक यशस्वी चित्रपटांमध्ये काम केले. एकत्र काम करत असताना दोघेही एकमेकांच्या प्रेमात पडले आणि मग दोघांनी 1979 मध्ये लग्न केले. लग्नानंतर अभिनेत्रीने हिंदी सिनेमाला निरोप दिला.
5 / 7
यानंतर, नीतू सिंह बऱ्याच काळानंतर 2010मध्ये पुन्हा “डो दूनी चार” या चित्रपटातून मोठ्या पडद्यावर परतल्या. या चित्रपटातील त्यांच्या भूमिकेचे खूप कौतुक झाले.
6 / 7
ऋषी कपूर गेल्यानंतर आज नीतू कपूर आपल्या कुटुंबाची जबाबदारी सांभाळत आहेत. त्या अनेकदा मुलगी रिद्धिमा आणि मुलगा रणबीरसोबतचे फोटो सोशल मीडियावर शेअर करत असतात.
