Marathi News Photo gallery Dhamaal 4 box office collection day 2 ajay devgn film breaks 25 movies opening weekend record
Dhamaal 4 : ‘धमाल 4’चं धमाकेदार कलेक्शन; दुसऱ्या दिवशी 25 चित्रपटांचा मोडला विक्रम, कमाईत 60% वाढ
Dhamaal 4 Box Office Collection Day 2: अजय देवगण आणि रितेश देशमुख यांच्यासोबतच इतर दमदार कलाकारांच्या भूमिका असलेल्या 'धमाल 4' या चित्रपटाला बॉक्स ऑफिसवर जबरदस्त प्रतिसाद मिळतोय.
अजय देवगणचा कॉमेडी चित्रपट 'धमाल 4' सध्या बॉक्स ऑफिसवर धुमाकूळ घालत आहे. या चित्रपटाने ओपनिंग वीकेंडलाच जवळपास 25 चित्रपटांचे विक्रम मोडीत काढले आहेत. हा चित्रपट आता एकापाठोपाठ एक नवनवीन विक्रम प्रस्थापित करत आहे. प्रेक्षकांना हा कॉमेडी चित्रपट खूपच आवडत आहे. समिक्षक आणि प्रेक्षकांनी दिलेल्या सकारात्मक प्रतिसादामुळे या चित्रपटाला बॉक्स ऑफिसवर यश मिळण्यास मदत झाली.
1 / 5
अजय देवगण, रितेश देशमुख, जावेद जाफरी आणि अर्शद वारसी यांच्या मुख्य भूमिकेतील 'धमाल' या चित्रपटाने अवघ्या दोन दिवसांत प्रचंड नफा कमावला आहे. या चित्रपटाने विक्रमी कमाई केली आहे. सॅकनिल्कने दिलेल्या माहितीनुसार, या चित्रपटाने पहिल्याच दिवशी 14 कोटी रुपयांचा गल्ला जमवला होता. तर दुसऱ्या दिवशीही म्हणजेच शनिवारीही चांगली कमाई झाली.
2 / 5
शनिवारी रात्री 10.30 वाजेपर्यंत या चित्रपटाने 22.50 कोटी रुपयांची कमाई केली आहे. या चित्रपटाची प्रेक्षकसंख्यादेखील 33.0% नोंदवली गेली आहे. या चित्रपटाचं भारतातील नेट कलेक्शन 36.50 कोटी रुपयांवर पोहोचलं आहे. 'धमाल 4'ने दोन दिवसांत 25 चित्रपटांचा विक्रम मोडला आहे.
3 / 5
'अल्फा', 'हाँटेड थ्रीडी', 'भारत भाग्य विधाता', 'मैं वापस आऊंगा', 'है जवानी तो इश्क होना है', 'पेद्दी', 'चांद मेरा दिल', 'पती पत्नी और वो दो', 'ओ रोमियो', 'दादी की शादी', 'कृष्णावतारम पार्ट 1', 'गिन्नी वेड्स सनी', 'द केरळ स्टोरी 2', 'दो दिवाने सहर में', 'अस्सी', 'मर्दानी 3', 'इक्कीस', 'राहु केतू', 'मयसबा' यांसारख्या चित्रपटांना 'धमाल 4'ने मागे टाकलं आहे.
4 / 5
'धमाल 4'च्या दुसऱ्या दिवसाच्या कमाईत तब्बल 60% वाढ पहायला मिळाली आहे. जगभरातील कमाईबद्दल बोलायचं झाल्यास, या चित्रपटाने आतापर्यंत परदेशात 5 कोटी रुपये कमावले आहेत. या चित्रपटाला आयएमडीबीवरही उत्तम रेटिंग मिळाली आहे. प्रेक्षकांनी 10 पैकी 8.1 अशी दमदार रेटिंग दिली आहे.
