दरवर्षी 2 नोव्हेंबर रोजी Eating Healthy Day साजरा केला जातो. पोषक व आरोग्यदायी अन्न खाण्याबद्दल लोकांमध्ये जागरूकता निर्माण करण्यासाठी हा दिवस साजरा करण्यात येतो. या पार्श्वभूमीवर जेवणानंतर लगेचच कोणत्या गोष्टी करणे टाळले पाहिजे हे जाणून घेऊया.
झोपणे - खाल्ल्यानंतर लगेच झोपू नये. हे आरोग्यासाठी हानिकारक ठरू शकते. जेवण आणि झोप यामध्ये किमान 2 तासांचे अंतर असावे. जेवल्यानंतर लगेच झोपल्याने लठ्ठपणा आणि ॲसिडिटीसारख्या समस्या उद्भवू शकतात.
आंघोळ करणे - जेवल्यानंतर कधीही लगेच आंघोळ करू नये. याचा आपल्या पचनसंस्थेवर खूप वाईट परिणाम होतो. यामुळे पोटाशी संबंधित समस्यांना तोंड द्यावे लागू शकते. त्यामुळे जेवल्यानंतर लगेच आंघोळ करणं टाळावे.
निकोटिन - बऱ्याच लोकांना जेवल्यानंतर चहा, कॉफी पिण्याची किंवा धूम्रपान करण्याची सवय असते. मात्र ही सवय तुमच्या आरोग्यासाठी नुकसानकारक ठरू शकते. या पदार्थांचे सेवन केल्याने शरीरातील निकोटिनचे प्रमाण वाढते.
पाणी पिणे - जेवल्यानंतर अनेकदा खूप तहान लागते. पण जेवल्यानंतर लगेच पाणी पिऊ नये. असे केल्याने अन्न पचत नाही. जेवणानंतर सुमारे 2 तासांनी पाणी प्यावे.