भारतातील तमाम देशवासी 75 वा स्वातंत्र्य दिन (75th Independence Day) साजरा करत आहेत. राजधानी दिल्लीत लाल किल्ल्यावर हा दिमाखदार कार्यक्रम झाला.
लाल किल्ल्यावर पंतप्रधान मोदींनी आपल्या भाषणात टोकिओ ऑलिंपिकमध्ये पदकविजेत्या (Tokyo Olympics) खेळाडूंचा विशेष उल्लेख केला.
तसेच उपस्थितांसह देशभरातील नागरिकांना या खेळाडूंसाठी काही वेळ टाळ्या वाजवण्यास सांगितलं. त्यावेळी देशभरात एकच टाळ्यांचा आवाज ऐकू आला.
कोरोना संसर्गाच्या पार्श्वभूमीवर दिल्लीतील हा स्वातंत्र्योत्सव होत असल्यानं मोजक्या पाहुण्यांच्या उपस्थित साजरा झाला.
या कार्यक्रमाला देशाची मान उंचावणाऱ्या पदकविजेत्या खेळाडूंसोबत एनसीसीचे निवडक कॅडेटही हजर होते.
पंतप्रधान मोदींनी कार्यक्रमानंतर उपस्थितांमध्ये जाऊन त्यांची भेट घेतली.
यावेळी उपस्थित पाहुण्यांनी पंतप्रधान मोदींसोबत सेल्फीही घेतले.
या कार्यक्रमात काही परदेशी पाहुणे देखील हजर होते.